د جينوا کډوالو کنوانسيون اړوند کډوال (GFK-Flüchtling)

هغه کسان چې جينوا کډوالو کنوانسيون د معيارونو له مخې پنا ترلاسه کوي. دې اصطلاح ته (Konventionsflüchtling) ټکی هم کارول کيږي. کډوالو ته د پنا غوښتنې د ورکړې په اړه د جرمني د مهاجرت او کډوالو فدرالي اداره، د پنا غوښتنې پرېکړه کوي.

له پولو د تېرېدلو سند (Grenzübertrittsbescheinigung)

له پولو د تېرېدلو سند (GÜB) هغو کسانو ته د استوګنې د اجازې سند پر ځای ورکول کيږي چې بايد جرمني پرېږدي. د دې سند له مخې بايد اړوند کس له جرمني ووزي. د دې کار لپاره دوی ته يوه موده ټاکل کيږي چې په ترڅ کې يې بايد جرمني پرېښوول شي. له جرمني د وتلو پر مهال دا سند د پاسپورت د کنټرول مامورينو ته ورکول کيږي او وتونکی کس همالته له اوسلنډربېهورده څخه خپل مصادره شوی پاسپورت ترلاسه کوي. په دې ډول دا ډاډ ترلاسه کيږي چې دا کس له جرمني په رښتيا وتلی دی. له پولو د تېرېدلو سند د استوګنې اجازه نه ګڼل کيږي.

د پاته کېدلو لپاره ښه لرليد (Gute Bleibeperspektive

د پاته کېدلو لپاره د ښه لرليد لرونکي پناغوښتونکي هغه کسان دي چې په جرمني کې يې د اړوندو هېوادوالو له نيمايي زيات د پناغوښتونکو په توګه منل کيږي. پر دې د پاسه دوی بايد د اروپايي ټولنې اړوند په بل هېواد کې د پنا غوښتنه نه وي کړې او د دوبلين د درېيمې مقررې له مخې يې د اروپايي ټولنې بل هېواد د پناغوښتنې د پروسې مسؤول نه وي.

د پنا د غوښتنو د منل کېدو شمېرې هر کال کتل کيږي. د دې شمېرو اندازه، په تېر کال کې له بېلابېلو هېوادونو څخه د راغلو کسانو د پناغوښتنې د منل شوو قضيو (لومړی ځل قبولو شوو) له مخې حسابيږي. اوس مهال يوازې درې هېوادونه په دې لړ کې راځي: اريتريا، سوماليا او سوريه.