بافوګ (BAföG)

بافوګ د فدرالي زده‌کړو د پياوړتيا مقرره (Bundesausbildungsförderungsgesetz) لنډيز يا مخفف دی. د دې قانون له مخې له زده‌کوونکو او زده‌کړيالانو سره مالي مرستې تنظيميږي. په عمومي توګه بافوګ نوم د هغو مرستو لپاره کارول کيږي چې د اړوند قانون له پلي کېدلو لاسته راځي. د بافوګ مرسته او د هغې اندازه د والدينو د عايد په شان له ګڼو لاملونو سره اړه لري. په دې اړه بشپړ مالومات زموږ‌ (په جرمني کې د زده‌کړو تمويل) څپرکي کې لوستلای شئ.

د مهاجرت او کډوالو فدرالي اداره (Bundesamt für Migration und Flüchtlinge يا BAMF)

د بمف اداره د پناغوښتنې پروسې او مهاجرو د خونديتوب مسؤوليت لري. دا اداره د پناغوښتنې او مهاجرت په اړه مالومات برابروي او په دې اړه مشورې ورکوي. دا اداره همدا شان د ادغام او جرمني ژبې کورسونه هم وړاندې کوي.

د دندې د اوسبیلډونګ مرسته (Berufsausbildungsbeihilfe)

دا مرسته چې لنډيز يې (BAB) دی، د دوه‌ګوني اوسبیلډونګ (dualen Ausbildung) له ترسره کوونکو سره د مالي مرستې نوم دی. دا دنده هغه زده‌کوونکي ترلاسه کولای شي چې والدين يې مالي ملاتړ نه شي کولای او يا خپل عايد ونه لري. باب مرسته اوسبیلډونګ ته د تياري پر مهال هم ترلاسه کېدای شي. په دې اړه زيات مالومات د (دوه‌ګوني اوسبیلډونګ) په څپرکې کې لوستلای شئ.

د دندې لپاره د ژبې کورس (Berufssprachkurs)

په (Deutsch für den Beruf oder Berufsbezogene Deutschsprachförderung) نومونو هم ياديږي، په انټګراڅيون کورس کې د ژبې له پياوړتيا سره اړه لري. په دې کورس کې د ژبې مهارتونه د ورځنيو خبرو اترو له کچې لوړيږي. پر دې د پاسه، د کورس ګډونوال د مسلکي سندونو له لارې د کار مارکېټ ته برابريږي. په دې اړه زيات مالومات په (د کار لپاره جرمني ژبه) کې ولولئ.

د زده‌کړو او ګډون بسته (Bildungs- und Teilhabepaket)

دا بسته چې لنډيز يې (BuT) دی، د لږ عايد لرونکو کورنيو له ماشومانو سره په زده‌کړو کې مرسته کوي.

د اروپا شين کارت (Blaue Karte)

په جرمني کې د اروپايي ټولنې شين کارت د مسلکي کسانو لپاره دی. په دې اړه زيات مالومات (جرمني ته مهاجرت) په څپرکي کې لوستلای شئ.

فدرال دولت (Bundesland)

د جرمني فدرالي جمهوريت له ۱۶ ايالتونو جوړ دی چې هر يو يې خپل دولت لري. ډېر سياسي موضوعات له دولت سره اړه لري او په هره ايالت کې له بل سره توپير کوي. د بېلګې په ډول د زدکړو سيستم او کلتوري فعاليتونه په ټولو ايالتونو کې بېلابېل ډولونه لري. فدرالي دولتونه ملي قانون پلی کوي او د هغو په پلي کولو کې خلاص لاس لري. که څه هم د مهاجرت او پناغوښتنې په اړه ملي قوانين پلي کيږي؛ خو د ايالتونو د ډېرو واکونو له کبله ښايي په هره سيمه کې تغيير وکړي.