ناقانونه اوسېدونکي کسان (Illegalisierte)

ناقانونه کسان هغه کسان دي چې په جرمني کې له ثبت او د استوګنې له قانوني اجازې پرته يا پټ ژوند کوي. دې کسانو ته بې‌اسنادو يا بې‌وطنه کسان هم ويل کيږي. دې کسانو ته د پناغوښتونکو د مرستو قانون له مخې د سوسيال مرسته ورکول کيږي. البته په عمل کې دوی ډېر دا مرسته نه اخلي ځکه راپور يې ورکول کيږي او ښايي ډيپورټ شي.

ساتنه يا سرپرستي (Inobhutnahme)

ساتنه په دې مانا ده چې د ماشومانو اداره يا يوګندامت د ماشومانو او نويو ځوانانو د ژوند او اوسېدلو د ځای مسؤوليت پر غاړه واخلي. د لږ عمر لرونکي يوازې راغلي کډوال ماشومان جرمني ته له راتګ وروسته د يوګندامت له لوري تر پالنې لاندې نيول کيږي. په دې مانا چې یوګندامت د دې کس د اوسېدلو د ځای او نورې چارو غمه خوري. البته هغه ماشومان چې له خپل مور او پلار يا بل سرپرست سره اوسيږي، له دوی سره د زورزياتي يا بد چلند پر مهال د يوګندامت تر ساتنې لاندې راتلای شي.  

د ادغام کورس (Integrationskurs)

د ادغام کورس په جرمني کې د ژوند او ژبې د زده‌کړې کورس دی. د دې کورس موخه دا ده چې جرمني ته له نوو راغلو کسانو سره مرسته وکړي څو په ورځني ژوند کې پر ځان متکي شي، کتار ومومي او له سيمه‌ييزو خلکو سره اړيکې جوړې کړي. دا کورس دوې برخې لري: د ژبې کورس او د لوري‌ موندنې کورس (Orientierungskurs). د ژبې کورس په معمول ډول ۶۰۰ ساعته دوام کوي او د B1 په ازموينه او سند په ترلاسه کولو پای ته رسيږي. وروسته د لوري موندنې کورس پيل کيږي، په کوم کې چې د جرمني د تاريخ، کلتور، ټولنې او قانون په اړه مالومات ورکول کيږي. دا کورس هم په يوه ازموينه پای ته رسيږي. دا کورسونه نيمه وخته او پوره وخته دي او په اړه يې نور مالومات زموږ په بل څپرکي (انټګراڅيون کورس) کې لوستلای شئ.