څنګه مرسته کولای شم؟

که چېرته بېړنی حالت ووينئ، مهمه دا ده چې سملاسي مرسته وکړئ. د پېښې سيمه امن کړئ او ځان ډاډه کړئ چې تاسې يا نورو کسانو ته ګواښ نشته. وروسته بيا ۱۱۰ يا ۱۱۲ شمېرې ته زنګ ووهئ. که څوک ټپي وي، لومړنی مرسته ورسره وکړئ. ډېرې ساده کړنې او مرسته هم د نورو کسانو ژوند ژغورلای شي. د بېړنيو مرکزونو کارکوونکي هم کولای شي تاسې ته د ټليفون له لارې لارښوونه وکړي چې څه ترسره کړئ.

په بېرنيو حالتونو کې مرسته کولو مکلفيت دی؟

هو. که بېړنی حالت ووينئ او مرسته ونه کړئ، ښايي د مرستې نه کولو په تور جزا درکړل شي. دا خبره د جزا قانون په ۳۲۳مه (§323c Strafgesetzbuch) ماده کې کې شوې ده. په داسې حالتونو کې اړوند کس نغدي جريمه او يا زنداني کېدای شي. البته د مرستې مکلفيت يوازې هغه مهال دی چې تاسې ته شخصي خطر نه وي. که خطر ډېر وي، د پوليسو ۱۱۰ او يا د ژغورنې ۱۱۲ شمېرو ته زنګ وهل بسنه کوي.

که څوک په لومړنۍ مرسته کې غلطي وکړي، څه به کيږي؟

د لومړنۍ مرستې (Erste Hilfe) پر مهال د غلطيو، ټپونو يا زيانونو رامنځته کېدلو مسؤوليت ستاسې پر غاړه نه دی. البته دا حالت يوازې هغه مهال دی چې اړوند کس له قصده يا په ډېره بې‌فکرۍ د زيان اړولو لامل نه شي.

که د مرستې پر مهال ما ته زيان ورسي، څه به کيږي؟

مرسته کوونکي د زيان د جبران غوښتلو غوښتنه کولای شي. که څوک د لومړنيو مرستو ترسره کولو پر مهال ټپي شي، د پېښو دولتي بيمه (gesetzliche Unfallversicherung) يې مسؤوليت لري. پر (Deutschen Gesetzlichen Unfallversicherung) وېبسای‍ټ د خپل ايالت اړوند د پېښو بيمې دفتر (Unfallkasse) موندلای شئ. که وسايلو يا د جامو په شان نورو توکو ته مو زيان رسېدلی وي، د شخصي مسؤوليت بيمه (Haftpflichtversicherung) يې د جبران مسؤوليت لري.

څنګه د بېړنيو حالتونو لپاره تيارېدای شم؟

بېړنيو حالتونو ته د تيارۍ لپاره کولای شئ د لومړنيو مرستو يو کورس (Erste-Hilfe-Kurs) ووايئ. هلته دا زده کوئ چې په کوم بېړني حالت کې څه کولای شئ؟ د جرمني سور صليب (Deutsche Rote KreuzJohanniter او Malteser Hilfsdienst په منظم ډول دا ډول کورسونه وړاندې کوي. د دې کورسونو لګښت په عمومي ډول له ۲۰ تر ۴۰ يورو دی او څو ساعتونه دوام کوي. په دې توګه دا کورسونه په يوه ورځ کې پای ته رسولای شئ.

د دې تر څنګ د لومړنيو مرستو په اړه ډېر ټليفوني اپليکېشنونه او زيات مالومات هم شته. دا مالومات د کورس ځای نه شي نيولای خو بيا هم تاسې ته په دې اړه يو ښه لرليد درکوي. د لومړنيو مرستو يو وړيا اپليکېشن له (DRK) وېبسایټ څخه ترلاسه کولای شئ.

د ټکر او پېښو د ويډيو خستلو اجازه شته؟

نه. که څوک د ټکرونو او او پېښو ويډيوګانې اخلي، ښايي جزا ورکړل شي. دا جزا ښايي نغدي يا هم تر ۲ کالونو پورې زندان وي.