تکراري پوښتنې
دلته ځينو عمومي پوښتنو ته ځوابونه ورکوو.
دلته به هغو پوښتو ته ځوبونه ومومئ چې د هنډبوک جرمني په اړه بيا بيا پوښتل شوې دي. که زموږ پر پاڼه خپلو پوښتنو ته ځواب نه شئ موندلای؛ په ډاډه زړه زموږ د فېسبوک، يا برېښناليک له لارې اړيکه ونيسئ. موږ تاسې ته ستاسې په خپله ژبه ځواب درکوو.
په څه پوهېدل غواړئ؟
هنډبوک جرمني (Handbookgermany.de) د کډوالو او جرمني ته د نوو راغلو کسانو لپاره يو انلاين مالوتي وېبسایټ دی. دلته په جرمني کې د ژوند پیلولو لپاره مهم مالومات په اتو ژبو (پښتو، دري/فارسي، انګليسي، جرمني، فرانسوي، عربي، روسي او ترکي) موندلای شئ. هنډبوک جرمني د (Neue deutsche Medienmacher)، (Deutschen Telekom AG) او (Adobe Systems) پروژه ده چې د فدرالي حکومت د مهاجرت، کډوالو او ادغام د کمېشنر له لوري تمويليږي.
د دې لپاره چې له ډېرو کسانو سره د جرمني د ژوند په اړه د کره مالوماتو په موندلو کې مرسته وشي، موږ په نهو ژبو مالومات خپروو. د هڼدبوک جرمني مالومات په پښتو، دري/فارسي، انګليسي، جرمني، فرانسوي، عربي، روسي، اوکراييني او ترکي ژبو دي او د درېيمو هېوادونو جرمنمېشت وګړي کولای شي زموږ پر وېبسایټ او ټولنيزو پاڼو باوري او کره مالومات ترلاسه کړي.
زموږ د ويډيوګانو لومړنۍ موخه دا ده چې په بېلابېلو موضوعاتو کې د خوښې وړ هغو ته د کتونکو پام راواړوي. ځکه نو دا ويډيوګانې داسې اوډل شوې چې روښانه، لنډې او دقيقې وي. دا چې لنډې ويډيوګانې نه شي کولای د موضوع اړوند ټول مالومات ولري ځکه خو موږ د ويډيو تر څنګ تفصيلي څپرکي هم لرو چې د پتو، وېبسایټونو، پيډياف سندونو او اپليکشونونو په ګډون ډېر مالومات له ځان سره لري.
د مالوماتي ويډيوګانو تر څنګ موږ د ورځنيو اصطلاحاتو په نامه د ژبنيو عبارتونو يوه ويډيويي لړۍ هم لرو. په دې ويډيوګانو کې د جرمني ژبې د زدهکړې تر څنګ ټوکې او سرګرمي هم ده.
موږ ډېر وخت د خپلو مالوماتي ويډيوګانو لپاره د کسانو په لټه کې يو. که په کومه برخه کې ځانګړې پوهه لرئ؛ د بېلګې په ډول په يوه پوهنتون کې زدهکړه کوئ؛ يا په جرمني کې کوم شرکت لرئ او غواړئ زموږ په ويډيوګانو کې راڅرګند شئ؛ زموږ سره اړيکه ونيسئ.
که مسلکي ژورنالست ياست او غواړئ زموږ له وېبسایټ سره مرسته وکړئ؛ د هنډبوک جرمني (Handbook Germany) يا (Neue deutsche Medienmacher) پر فېسبوک پاڼو يا وېبسایټونو اعلانېدونکې دندې وڅارئ.
همدلته زموږ پر وېبسایټ د پناغوښتنې په برخه کې، د پنا غوښتنې په اړه ټول مالومات موندلای شئ. البته زموږ سره وکيلان کار نه کوي؛ ځکه نو نه شو کولای ستاسې د پناغوښتنې په پروسه کې په مخامخ ډول لاسوهنه يا مرسته وکړو. زموږ د سيمهييزو مالوماتو پر پاڼه، په خپل شاوخوا کې مشورتي دفترونه، وکيلان او دې ته ورته د نورو مرستندويو بنسټونو پتې او د اړيکو شمېرې موندلای شئ.
زموږ د وېبسایټ ډېر مالومات د هغو کسانو لپاره دي چې په جرمني کې اوسيږي. که جرمني ته يوازې راغلي ياست؛ کولای شئ د خپلې کورنۍ د غړو راوستلو په اړه زيات مالومات دلته ومومئ. که غواړئ د جرمني د زدهکړو يا کار ويزا لپاره غوښتنه وړاندې کړئ؛ ښايي غوره وي چې لومړی په دې اړه زموږ د زدهکړو او کار مالوماتي څانګې وګورئ. جرمني د راتګ د نورو چانسونو په اړه زموږ نور څپرکي ولولئ.
که د کومې موضوع په اړه ځانګړی نظر، مشوره، پوښتنه يا سپارښتنه لرئ؛ زموږ د فېسبوک، يا برېښناليک له لارې اړيکه ونيسئ. موږ به ستاسې نظر وارزوو او تاسې ته به زر ځواب درکړو. که فکر کوئ چې کوم څه د خپرولو لپاره ډېر مهم دي؛ موږ ته خبر راکړئ. موږ غواړو هغه مالومات وړاندې کړو چې له تاسې سره مرسته کوي؛ ځکه نو ستاسې نظر موږ ته ډېر مهم دی.
که زموږ پر پاڼه خپلو پوښتنو ته ځواب نه شئ موندلای؛ په ډاډه زړه زموږ د فېسبوک، يا برېښناليک له لارې اړيکه ونيسئ. موږ تاسې ته ستاسې په خپله ژبه ځواب درکوو. که د کومې انجيو، رسنيو، رضاکار بنسټ يا رسمي ادارې کارکوونکي ياست او غواړئ زموږ سره همکاري وکړئ؛ موږ ته برېښناليک (info@handbookgermany.de) ولېږئ.