المان د کورنی راتګ په اړه

سلامونه او ټوګېدر این جرمني ویبپاڼې ته درته ښه راغلاست وایم. که قبولي نه لرئ یوازې د کار اجازه لرئ او لا هم مو اخري ځواب له بمف څخه نه وي تر لاسه کړئ کار په قانوني لحاظ کولی شئ. خو که چېرې دری کلنه قبولي واخلئ تاسو باید په درېیو میاشتو دننه کې د خپل ښار له اسلنبهورډې ادارې څخه د کورنۍ د غړیو د راوستلو غوښتنه وکړئ‌ او هغوی پرته له دې چې تاسو کار ولرئ کنه یا هم کور ولرئ کنه په امتیازي توګه درسره دا مرسته کوي چې کورنۍ مو جرمني ته راولي خو که چېرې دا دری میاشتۍ موده له دری کلنۍ قبولۍ درباندې تېره شي بیا نو متاسفانه باید کار ولرئ او د کورنۍ د غړیو لګښتونه مو باید په خپله پوره کړئ او همدارنګه باید په کور کې دومره ځای ولرئ‌ چې هغوی له تاسو سره و وسېږي.‌ خو کار د دې لامل نه شي کېدلی چې تاسو ته مو کورنۍ رانه ولي دا په ټوله کې ناسمه خبره ده. د کورنۍ د غړیو راوستل ستاسو په حالت یې ستاسو د استوګنې په اجازې پورې اړه لري، په لومړي سر کې ستاسو په کار پورې هېڅ اړه نه لري.‌ که لا هم په دې اړه پوښتنه لرئ هیله ده چې دلته یې راته ولیکئ. په درنښت