د خاوند راوستل

سلامونه او ټوګېدر این جرمني ویبپاڼې ته درته ښه راغلاست وایم. هغه کسان چې د تخیلې په پروسه کې له افغانستان څخه جرمني ته راغلل هغوی اکثرو دا ستونزه درلوده، چې یا خاوند یا یې هم مېرمن په افغانستان کې پاتې شول متاسفانه. د قانون له مخې هغه کسانو چې د افغانستان د جمهوري نظام له سقوط وروسته د جرمني هېواد اپرولونه تر لاسه کړل او دلته ورته د استوګنې د ۲۲مې د ۲ بند په اساس باندې پناه ورکړل شوه، هغوی جرمني ته له داخېلېدو وروسته حق نه لري، چې د تخلیې په پروسه کې د خپلې کورنۍ غړي جرمني ته راولي. هر هغه څوک چې دلته د همدې قانون له مخې راغلي دي، نو اړ دي چې دلته کار وکړي او بیا وروسته له کورنۍ سره د یو ځای کېدو د پروګرام له مخې خپل خاوند یا مېرمن جرمني ته راولي. د کار تر څنګ باید په کور کې ځای ولري چې له راتګ وروسته بیا هغه ورسره و اوسېدلی شي. د قانون له مخې باید په میاشت کې تر ۱۵۰۰ پورې خالص عاید ولري چې بیا جرمني خپل خاوند یا مېرمن راولي. او بله دا چې کله کار پیل کړي په هغه صورت کې د خپل ښار له اوسلنبهورډې ادارې څخه د خپل خاوند او مېرمنې د راوستلو غوښتنه وکړي، او باید په ایران یا هم پاکستان کې ورته د انټریو لپاره وخت ونیسي. له دې کارونو وروسته یې خاوند جرمني ته راوستلی شي. که لا هم په دې اړه پوښتنه لرئ هیله ده چې دلته یې راته ولیکئ. په درنښت