په جرمنی کی ژوند

سلامونه او ټوګېدر این جرمني ویبپاڼې ته درته ښه راغلاست وایم. د انلاین کار لپاره تاسو اړ یاست، چې د خپل ښار فانیس امت او جاب سنټر خبر کړئ چې دا کار کړم. وروسته له هغه باید ټکس یا مالیه ورکړئ یعنې د انلاین کاروبار لپاره هم مالیه شته. ستاسو د دویمې پوښتنې په ځواب کې باید ووایم، د پریکړې په اړه خو کولی شئ اعتراض وکړئ او خپل کیس محکمې ته راجعې کړئ که نه پوهېږئ چې څه ډول دا پروسه تر سره کړئ په خپل ښار کې مشورتي مرکز ته ورشئ هغوی په دې برخه کې درسره مرسته کوي که یې پته نه وي درته مالومه کولئ شئ دلته مو ماته د خپل ښار نوم ولیکئ زه به یې ستاسو په ښار یا هم ستاسو ښار ته په نږدې سیمو کې درته پیدا کړم او مالومات به یې له تاسو سره شریک کړم. که ژبه زده کړئ او کار وکړئ یا هم درس ووایئ ډېر ښه فرصتونه شته، کولی شئ د کار کولو اقامه یا هم د استوګنې اجازه تر لاسه کړئ. څومره چې ښه په ټولنه کې مدغم شئ هغومره ډېر کولی شئ په اسانۍ اسناد تر لاسه کړئ. بیا یې هم باید یادونه وکړم،‌ چې باید ژبه زده کړئ او کار وکړئ دا هغه څه دي چې تر ټولو دلته په جرمني کې مهم دي.‌ که لا هم په دې اړه پوښتنه لرئ،‌ هیله ده چې دلته یې راته ولیکئ. په درنښت