د کارولو شرایط

د تطبیق ساحه

لاندې شرایط د "Handbook Germany: Together"  له پلېټ‌فارم نه د استفادې په موخه مطرح کېږي. دا شرایط د کاروونکو، د ټولنې مدیرانو، بهرنیو مشاورینو او د وېب‌پاڼې چلوونکي "Neue deutsche Medienmacherinnen e. V."  تر منځ د تطبیق وړ دي. یاده اداره، چې ایلا شینډلر او ناتالي سابلوفسکي یې استازیتوب کوي، د برلین په  Potsdamer Str. 99, 10785 کې موقعیت لري.

کاروونکي له "Handbook Germany: Together"  پلېټ‌فارم څخه یواځې هغه وخت ګټه پورته کولی شي، چې لاندې شرایط ومني؛

2. نوم‌لیکنه، ګډون او غړیتوب

3. د "Handbook Germany: Together"له پلېټ‌فارم څخه په فعاله توګه د ګټې اخیستنې لپاره باید کاروونکي مخکې له مخکې ځانونه ثبت کړي. کاروونکي یواځې د نوم‌لیکنې په پروسه کې له بریالي کېدو وروسته د یاد انجمن له پلېټ‌فارم څخه ګټه اخیستلی شي.
4.  دا پلېټ‌فارم د هغو عادي اشخاصو لپاره ځانګړی شوی دی، چې لږ تر لږه ۱۶ کاله عمر ولري. له ۱۶ کالو د کم عمر لرونکو وګړو پر مخ ثبت‌نام بند دی او استفاده نه‌شي ترې کولی.
5. د غړیتوب اخیستل په وړیا ډول دي.
6. کاروونکي اجازه نه‌لري، چې خپل حساب(اکونټ) کوم بل چا ته د استفادې لپاره ورکړي. هغوی د خپلو حسابونو د معلوماتو د پټ ساتلو مسوول دي.

7. د چمتوکوونکي خدمتونه

8. چمتوکوونکی کاروونکو ته اجازه ورکوي، چې د یادو شرایطو د منلو له مخې د "Handbook Germany: Together"  پلېټ‌فارم له لارې خپل مطالب خپاره کړي. چمتوکوونکی د خپلو تخنیکي او اقتصادي امکاناتو په محدوده کې په شرایطو د برابرو کسانو لپاره په وړیا ‌ډول د موضوعاتو او بحثونو د انتخابولو فورم جوړوي.
9. چمتوکوونکی همداراز د خپلو کاروونکو لپاره د‌ خصوصي پیغامونو د تبادلې په برخه کې په وړیا ډول اسانتیاوې رامنځ‌ته کوي، هغوی به له دغو اسانتیاوو څخه په استفادې سره کولی شي، چې د انجمن له مدیرانو اوبهرنیو مشاورینوسره په اړیکه کې واوسي؛ خو کاروونکي حق نه‌لري، چې د مشورې د ترلاسه کولو قانوني تضمین ترلاسه کړي.
10. چمتوکوونکی هڅه کوي، چې خپل خدمتونه تل فعال وساتي؛ خو په دې برخه کې له دې پرته هېڅ اضافي مکلفیت نه‌لري.
11. چمتوکوونکی د خپرو شویو مطالبو د کره‌والي، بشپړتیا، اعتبار، نوي‌والي او ګټورتیا تضمین نه ورکوي.
12. شخصي پیغامونه
13. د شخصي پیغامونو تبادله کول د فورم د مدیرانو او مشاورینو په مسوولیتونو او مکلفیتونو هېڅ ډول مستقیم یا غیرمستقیم اغېز نه‌کوي. د ټولنې مدیران او مشاورین خپلې چارې له قانوني مقرراتو سره سمې په خپلواک او مسلکي ډول ترسره کوي.
14.  چمتوکوونکی د کاروونکو او د ټولنې د مدیرانو تر منځ شخصي پیغامونه له ۲ کالو غیر فعاله اوسېدو وروسته پاکوي. د شخصي پیغامونو پاکول له غړیتوب سره تړاو لري؛ په دې اړه  ۷مې  فقرې ته مراجعه وکړئ.
15. د مسوولیت نه منل
16. چمتوکوونکی د کاروونکو د هغو زیانونو د جبران مسوولیت په غاړه نه اخلي، چې په اړه یې ځانګړي مکلفیتونه نه‌دي موجود. که چېرته کاروونکي د قانوني استازو او مرستندویانو پر وړاندې دعوې مطرح کړي، نو قانوني استازي او مرستندویان د پورته ذکر شوي اصل په اساس د کاروونکو دعوې ردولی شي.
    
    
17. ژوند، بدن او روغتیا ته زیان رسېدل؛ له پورته اصل څخه مستثنا دي. که چېرته د کاروونکي ژوند، بدن او روغتیا ته زیان رسېږي، نو چمتوکوونکی یې د بدلې په ورکړه مکلف دی. د قراردادي اهدافو د ترلاسه کولو لپاره د  قرارداد د مهمو مکلفیتونو پر ځای کول اړین دي. له قانوني استازو او مرستندویانو څخه په هغه صورت کې د مسوولیت د نه منلو حق سلب کېږي، چې زیان د دوی د بې‌غورۍ له امله او یا په قصدي ډول رامنځ‌ته شوی وي.

6. د کاروونکو مکلفیتونه
7. کاروونکي باید له چمتوکوونکي سره ژمنه وکړي، چې غیراخلاقي او یا د نافذه قوانینو خلاف مطالب به نه خپروي. کاروونکي مکلف دي، چې د لاندې مواردو لرونکو مطالبو له خپرولو څخه ډډه وکړي؛

• هغه مطالب، چې د شخصي معلوماتو لرونکي دي،
• هغه مطالب، چې یو جرمي عمل بشپړوي، یا بې‌نظمي رامنځ‌ته کوي،
• هغه مطالب، چې د خپروونکو د حقونو، د نښو(لوګو/واټرمارک) حقونو او  یا د سیالۍ(رقابت) د قانون خلاف وي،
• هغه مطالب، چې د حقوقي خدمتونو د قانون خلاف وي،
• هغه مطالب، چې د سپکاوي، نژادپالنې، جنسیتي تبعیض، فحش او نورو تعصباتو اړوند مواد ولري،
• هغه مطالب، چې ناوړه ژبه، له افراطي ډلو سره د اشخاصو پرتله کول، ګواښونه او یا بې‌ثبوته تورونه ولري،
• هغه مطالب، چې د اعلاناتو لرونکي وي؛ په دې اړه ۲یم بند ته مراجعه وکړئ.

1. سوداګریز او تبلیغاتي مواد

په تبصرو او لاسلیکونو کې سوداګریز او تبلیغاتي مواد (لکه اعلانات، پروموشن، تکراري نښې یا د خپلې وېب‌پاڼې لینکونه او پټ اعلانات) منعه دي؛ خو د هغو لینکونو د خپرولو اجازه شته، چې د اړوندې موضوع په اړه نور معلومات او لارښوونې وړاندې کوي. د دې معلومول، چې کومه تبصره یا لاسلیک د اعلاناتو لرونکي دي او کومه یې د معلوماتو/مشورو، اسانه چاره نه‌ده، په همدې اساس هره هغه تبصره یا لاسلیک، چې چمتوکوونکي ته اعلان ښکاره شي، له منځه یې وړي.

2. کېدلی شي، له مطالبو سره یو ځای لېنکونه هم خپاره شي. چمتوکوونکی د دغو لېنکونو د منځ‌پانګې مسوول نه‌دی او نه یې هم پلټنه کوي؛ خو چمتوکوونکی د هغو لېنکونو د له منځه وړلو حق لري، چې منځ‌پانګه یې د کارونې له اصولو سره په ټکر کې وي.
3. که چېرته کاروونکی د چمتوکوونکي شرایط، په ځانګړي ډول د ۱ پاراګراف اړوند مکلفیتونه نقض کړي، نو چمتوکوونکی حق لري، چې د کاروونکي غړیتوب لغوه کړي، د ده اړوند ټول مواد تعدیل یا حذف کړي او پلېټ‌فارم ته د لاسرسي حق ترې واخلي. د دې تر څنګ کاروونکي مکلف دي، چې د دا ډول سرغړونو له امله رامنځ‌ته شوي زیانونه جبران کړي.
4. چمتوکوونکی د هغو موادو او محتویاتو د له منځه وړلو حق لري، چې د قانوني سرغړونې احتمال ولري.
5. چمتوکوونکی حق لري، چې کاروونکي د هغو درېیم‌ګړو له دعوو څخه خوندي کړي، چې د کاروونکو د حقوقو د نقض له امله رامنځ‌ته کېږي. کاروونکي باید د دا ډول دعوو په ردولو کې له چمتوکوونکي سره مرسته وکړي. د دې ترڅنګ کاروونکي مکلف دي، چې چمتوکوونکي ته د قانوني دفاع لپاره لګښتونه ورکړي.

۷. د غړیتوب پای ته رسول

1. چمتوکوونکی کولی شي، چې له کومې خبرتیا پرته د کاروونکي غړیتوب پای ته ورسوي.
2. کاروونکي کولی شي، چې له کومې خبرتیا پرته خپل غړیتوب پای ته ورسوي.
3. که چېرته کاروونکی په‌خپله یا د بل چا په وسیله حساب له منځه یوسي، نو د دوی پوسټونه به د حساب د لغوه کېدلو سربېره هم په پېلټ‌فارم کې د ټولو کاروونکو لپاره د استفادې وړ وي او له منځه به نه ځي؛ خو نور معلومات، په ځانګړي ډول شخصي پیغامونه یې له منځه وړل کېږي. البته د کاروونکي په غوښتنه د دوی پوسټونه هم له منځه تللی شي، د دې کار لپاره کاروونکی باید چمتوکوونکي ته خبر ورکړي.
4.  که چېرته کاروونکی د «Handbook Germany: Together» پلېټ‌فارم له ۲ کلونو نه د زیات وخت لپاره غیر فعال وساتي، نو حساب یې له منځه وړل کېږي. کاروونکي ته د حساب له منځه وړلو څخه د مخه د اي‌مېل له لارې خبر ورکول کیږي.

8. د وړاندې شوي خدمت بدلول یا متوقف کول
9. چمتوکوونکی حق لري، چې د «Handbook Germany: Together» پلېټ‌فارم کې بدلونونه راولي.
10. چمتوکوونکی حق لري، چې خپل خدمت پای ته ورسوي، خو باید ۱۴ ورځې مخکې خبر ورکړي. که چېرې خدمت پای ته رسېږي، نو چمتوکوونکی حق لري، چې د کاروونکو له خوا تولید شوې محتوا یا مواد له منځه یوسي.