د شبکې شریکان
وړيا، بېپرې او محرم
AWO Migrationsberatung
اوو (AWO) په جرمني کې یوه له لویو خپلواکو خیریه ټولنو څخه ده چې د ټولنیزو کارونو په بیلابیلو برخو کې فعاله ده.
تمرکز: د AWO د مهاجرت مشورتي خدمتونه د خپلو متخصصینو په وسيله له هغو خلکو سره مرسته کوي چې جرمني ته تازه راغلي وي او د استوګنې، روغتیا، کور، مالي چارو، ادارو، ژبو زدهکړې، ښوونځي او کار، واده، کورنۍ او پالنې په اړه پوښتنې لري.
نور معلومات: awo-migrationsberatung.org
د کډوالو او کاري حقونو لپار د بيما برلين (BEMA Berlin) مشورتي دفتر
د کډوالو او کاري حقونو لپاره د برلين مشورتي دفتر (BEMA) د کار په ناسمو شرایطو کې د مهاجرو کارګرو ملاتړ کوي، د کار قانون په اړه مشوره ورکوي او هڅه کوي چې د ناڅاپي قانوني سرغړونو مخه ونیسي. دا فرصت د هغو کسانو لپاهر دی چې په برلین کې ژوند کوي.
تمرکز: بيما BEMA په جرمني کې ښو او عادلانه کاري شرایطو ته د لاسرسي په اړه له عملي معلوماتو سره، له اوکراین څخه له نوو راغلو خلکو سره مرسته کوي. دوی د کار اړوند موضوعاتو په اړه پوښتنو ته ځوابونه ورکوي، لکه د کار قراردادونه، معاشونه، موسمي کار، کوچنۍ دندې يا مينيجابز او د زیږون رخصتۍ.
نور مالومات: https://bema.berlin/
د پرمختيا د پيل شرکت يا VBKI (Einstieg zum Aufstieg gGmbH)
د پرمختيا د پيل شرکت یو غیر انتفاعي نوښت دی چې د برلین په لویه سیمه کې د کډوالۍ تجربه کوونکي او شرکتونه يو له بل سره نښلوي.
تمرکز: د دې شرکت هدف دا دی چې په برلین کې مهاجرینو ته د راتلونکي لپاره لرليد ورکړي او دوی ته پر ځان د بسیا ژوند کولو فرصت رامخې ته کړي. دوی هغه خلک سره نښلوي چې په برلین کې د خپلې خوښې شرکتونو سره د کار په لټه کې دي.
نور مالومات: Einstiegzumaufstieg.de
برلين-برانډنبورګ او شليسويګ هولشتاين د عادلانه ادغام مرکزونه
د "عادلانه ادغام" پروژه د غیراروپايي هیوادونو څخه د راغلو مهاجرو او کډوالو کارکوونکو د حقونو د دفاع وکالت کوي او په جرمني کې يې د یوې لویې کاري اتحاديې (DGB) له خوا ملاتړ کیږي.
تمرکز: دا اداره د برلین - برانډنبورګ او شلیسویګ - هولشټاین په فدرالي ایالتونو کې خلکو ته د کار په اړه مشوره ورکوي. د بېلګې په توګه د کار ساعتونه، د کار تړون لغوه کېدل، لنډمهاله کار، معاش، رخصتي او نور ...
نور مالومات دلته: faireintegration.de
Gladt e.V
دا اداره په برلین کې د تورپوستو او رنګين پوستو LGBTQ+ خلکو یو ګډ تنظیم دی چې د توکمپالنې، جنسیت او ټرانس*، هومو فوبیا، د معلولینو سره دښمنۍ او د تبعیض د نورو ډولونو په وړاندې کمپاین کوي.
تمرکز: دا اداره د LGBTQ+ اړوند هغو کسانو څخه ملاتړ کوي چې د پناه غوښتنې او مهاجرت اړوند پوښتنې لري او د تبعیض له مختلفو ډولونو څخه اغیزمن شوي دي.
Intez e.V.
دا بنسټ د هغو کسانو ملاتړ کوي چې د BAföG غوښتنلیکونه یې په بهر کې د زدهکړو له امله رد شوي وي. ځينې دفترونه ډېری وخت د محکمې حکمونو ته غاړه نه ږدي.
تمرکز: دوی هغو محصلينو ته مشوره ورکوي او ملاتړ يې کوي چې پخوا یې په بهر کې زدهکړې کړې وي او د BAföG لپاره یې غوښتنلیک رد شوی وي. دوی له تاسې سره د اعتراض یا دعوی له لارې د BAföG په ترلاسه کولو کې هم مرسته کوي.
نور مالومات: intez.de
Das Regionale Integrationsnetzwerk IQ NRW -West
د ادغام شبکه IQ NRW-West د ویبسایټ او اپلیکیشن له لارې په ناردراين وستفالن ايالت کې د سندونو د رسمي کولو او مسلکونو په اړه ډیجیټل مشورې ورکوي.
تمرکز: د IQ شبکه د خلکو سره د سندونو د رسمي کولو او مسلکونو په څیر موضوعاتو کې مرسته کوي. دوی پوښتنو ته ځوابونه ورکوي. د بېلګې په توګه دا چې په جرمني کې د ماهر کس په توګه د کار کولو لپاره بايد کوم شرطونه پوره شي.
نور مالومات: iq-nrw-west.de
BZI Pass[t] Genau
پست ګېنو (Pass[t] Genau) د فدرالي کډوالۍ او ادغام شورا (Bundeszuwanderungs- und Integrationsrat) یوه مشورتي شبکه ده، چې هغو کسانو ته مشوره ورکوي چې غواړي د جرمني تابعیت ترلاسه کړي.
تمرکز: دا پروژه په راینلند-فالڅ او میکلنبورګ-فورپومرن کې فعاله ده، چیرې چې مشاورین او رضاکاران خلکو ته لارښوونه کوي او هغوی هڅوي چې د تابعیت پروسه تعقیب کړي.
نور مالومات: BZI Pass[t] Genau
Mobi Job
د مهاجرو لپاره د دندې ګرځنده مشوره د JobPoint برلین له خوا وړاندې کیږي او د انسجام، کار او ټولنیزو چارو لپاره د سنا ریاست له خوا يې ملاتړ کیږي. د دې نوښت سپانسر (GesBiT GmbH für Bildung und Teilhabe) دی.
تمرکز: موبي جاب په برلین کې د هغو خلکو لپاره مشورې وړاندې کوي چې د کار بازار ته د لاسرسي په لټه کې دي او د غوښتنلیکونو لیکلو، روزنې او د کار موندلو په اړه پوښتنې ځوابوي.
نور مالومات: mobijob-berlin.de
Migrafrica gGmbH
د (Let's Go – Migrantinnenfit für die Arbeitswelt) پروژې هدف په کولن کې د ټیټ مهارت لرونکې مېرمنې دي چې د مهاجرت شاليد لري او په جرمنيکې د زدهکړو سند يا رسمي شوي مسلکي سندونه ونه لري. دا پروژه د ښځو لپاره مشورې، ملاتړ او ورکشاپونه وړاندې کوي.
تمرکز: د کار په بازار کې ادغام او د مهاجرو، کم مهارت لرونکو میرمنو لپاره د سوداګرۍ پیل کولو ملاتړ.
نور مالومات: Migrafrica.org
Start with a Friend e.V.
د (Start with a Friend e.V.) د مساوي ټولنې لپاره هلې ځلې کوي. د دې ادارې له نظره د مهاجرت شاليد لرونکو او نورو خلکو ترمنځ همغږي پیاوړې کيږي او ډیموکراسي د تبادلې او تعامل له لارې وده کوي.
تمرکز: دا ادره د مختلفو شالیدونو او تجربو لرونکي خلک د ملګرتیا له لارې سره نښلوي او د ټولنيزو غونډو، تعلیمي وړاندیزونو او ګډو فعالیتونو په اړه مالومات چمتو کوي.
نور مالومات: Start with a friend e.V.
Türkischer Bund Berlin Brandenburg (TBB)
د (Türkische Bund in Berlin-Brandenburg e.V.) بنسټ د سازمانونو او اشخاصو یو بې طرفه چترۍ سازمان دی.
دوی د خپلې پروژې "زما کورنۍ" سره تاسې ته په برلین کې مشورې درکوي او ټولنيزې غونډې تنظيموي.
تمرکز: د TBB "زما کورنۍ" پروژه د مهاجرت، LGBTQIA+ او تبعیض مسلو په اړه پوښتنې ځوابوي.
نور مالومات: Meine Familie (TBB)
په فورم کې زموږ ټولنه
هرې پوښتنې ته ژر ځوابونه ومومئ. د خپلې ټولنې له تجربې څخه ګټه واخلئ او نظرونه تبادله کړئ.
فورم ته دوام ورکړئ
