د دوبلين پروسيجر

کوم هېواد زما د پناغوښتنې د پروسې مسؤول دی؟

کله چې څوک اروپايي ټولنې ته راځي؛ نه شي کولای په خپله خوښه د پناغوښتنې د پروسې د پرمخ بېولو لپاره يو هېواد وټاکي. د دوبلين مقررات په نښه کوي چې کوم هېواد ستاسې د پناغوښتنې د پروسې پرمخ بېولو دنده پر غاړه لري. دا سيستم ځکه طرحه شوی چې په يوه ځل د اروپايي‌ ټولنې په څو هېوادونو کې د پنا له غوښتنې مخنيوی وکړي. ځکه د دې ټولنې د هېوادونو تر منځ پولې پرانستې دي او هرڅوک کولای شي له يوه هېواده بل ته آزادانه تګ راتګ وکړي.

د دوبلين د مقرراتو له مخې د اروپايي‌ ټولنې يا دوبلين اړوند هغه هېواد بايد ستاسې د پنا غوښتنه وارزوي چې تاسې تر ټولو لومړی ورغلي ياست. د اروپايي ټولنې د غړو هېوادو تر څنګ ناروې، آیسلنډ، سويس او لېښتن شټاين هم د دوبلين غړيتوب لري. که تاسې له دې ۳۲ هېوادونو په يوه کې پنا تر لاسه کړې وي؛ د دوبلين تړون اړوند په بل هېواد کې د پنا غوښتنه نه شئ کولای.

په جرمني کې د دوبلين مقررات

د دوبلين مقررات څه دي؟

آيا زما په اړه د دوبلين مقررات پلي کيږي؟

درېيم خوندي هېواد کوم هېوادونه دي؟

په کوم حالاتو کې جرمنی بل هېواد ته زما د لېږلو حق نه لري؟

په کوم حالاتو کې جرمنی د پناغوښتنې د قضيې د ارزولو مسؤوليت نه لري؟

څنګه مالوميږي چې کوم هېواد زما د پناغوښتنې د قضيې مسؤول دی؟

Übernahmeersuchen څه ته وايي؟

Übernahmeverordnung څه مانا لري؟

کولای شم د دوبلين د مقررې پر وړاندې اعتراض وکړم؟

زما حقونه او مسؤوليتونه څه دي؟

د دوبلين په پروسيجر نيوکې

مهم

د يوه پناغوښتونکي په توګه تاسې هر وخت مالوماتو ته د لاسرسي حق لرئ. دا په دې مانا ده چې د دوبلين پروسې د هر ګام په اړه به تاسې ته په ليکلي ډول خبر درکول کيږي. د مهاجرت او کډوالو فدرالي ادراه (BAMF) اړه ده چې د د دوبلين د پروسې د پیل کولو پر مهال تاسې ته خبر درکړي.