په جرمني کې د پنا د غوښتنې ردېدل

که د پنا غوښتنه مې رد شوې وي؛ څه کولای شم؟

دلته موږ د {videoservice} د منځپانګې لرونکي يو. د نورو مالوماتو لپاره {socialhintlink_end}(دلته){socialhintlink_begin} کلېک وکړئ.

که د جرمنی د کډوالو او مهاجرت فدرالي اداره يا بمف (BAMF) د چا د پنا غوښتنه رد کړي، دا کس بايد جرمنی پرېږدي. هغه کسان چې ساده رد (einfachen Ablehung) ترلاسه کوي، تر ډيپورټ پورې ۳۰ ورځې وخت لري. که بل هېواد مو د پناغوښتنې د قضيې مسؤول نه وي (د دوبلين مقرره) او د مهاجرت او کډوالو فدرالي اداره (BAMF) دا تور ولګوي چې تاسې په کېس کې دوکه کوئ او يا جرمني ته د اقتصادي لېوالتيا لپاره راغلي ياست؛ ښايي د پنا غوښتنه مو په ساده ډول رد شي. که د پنا غوښتنه مو د نه منلو وړ(unzulässig) يا په ښکاره ډول بې‌بنسټه (offensichtlich unbegründet) قضيې په توګه رد شي؛ يوازې يوه اونۍ وخت لرئ چې په خپله خوښه جرمنی پرېږدئ. که د اروپايي ټولنې بل هېواد مو د پناغوښتنې د قضيې مسؤول وي؛ د پنا غوښتنه مو د نه منلو وړ قضيې په توګه رديږي. که بمف ستاسې د راتګ په دلايلو کې ډېر تضادونه ومومي او يا باوري شي چې جرمني ته د اقتصادي دلايلو له مخې راغلي ياست؛ قضيه به مو د څرګندې بې‌بنسټه قضيې په توګه رد شي.

د دې لپاره چې له جرمني څخه د وتلو نېټه ووينئ، له بمف څخه د خپلې رد کېدنې ليک وګورئ. د وتلو فرصت د ليک له ترلاسه کولو وروسته پیليږي. د ليک ترلاسه کولو کره نېټه د ليک پر پوښ کتلای شئ. که په ټاکل شوي وخت کې له جرمني ونه وزئ، ښايي د پوليسو او مهاجرت د مسؤولينو له لوري بېرته خپل هېواد ته ډيپورټ شئ. که د رد ځواب مو ترلاسه کړی وي؛ زر تر زره له يوه وکيل يا مشورتي مرکز سره اړيکه ونيسئ. د ډيپورټ په اړه نور مالومات زموږ په بل مالوماتي څپرکي (ډيپورټ) کې لوستلای شئ.

د پنا له رد وروسته څه کولای شم؟

شکايت ثبتول

بيا‌ ځلې پناغوښته

د لنډمهالې استوګنې يا زغملو اجازه (ډولډونګ)

د سختو حالاتو کميسيون

له پارلمان څخه غوښتنه

په کليسا کې پنا غوښتنه

مهم

که څوک د ساده رد شوې (einfachen Ablehnung) پنا پر وړاندې اعتراض وکړي؛ د پناغوښتنې د‌ پروسې تر پايه به ډيپورټ نه شي. همدا شان هغه کسان هم نه ډيپورټ کيږي چې د پنا له رد وروسته د عاجلې بيا کتنې غوښتنه يا اعتراض (Eilantrag) ثبت کړي.