چېرته او څنګه ځان ثبتولای شم؟
که د کډوال په توګه جرمني ته راغلي ياست؛ لومړی باید خپل راتګ د مهاجرت او کډوالۍ له فدرال ادارې يا بمف، د بهرنيانو د تنظیم ادارې (Ausländerbehörde) پوليسو يا د منلو د لومړنيو مرکزونو (Ankunftszentrum) په شان اړوند ادارو کې ثبت کړئ. ښايي مخکې هم د سرحدي پوليسو له لوري ثبت شوي ياست خو بيا هم د پناغوښتونکي په توګه خامخا ثبتېږئ؛ د ګوتو نښې او ځينې نور مالومات مو خوندي کيږي. دا پروسه د Personalisierungsinfrastrukturkomponente په نوم یاديږي. هر کس له دې پروسې وروسته د رارسېدو يو سند (Ankunftsnachweis) تر لاسه کوي.
په اصل کې نه یوازې کډوال بلکې هر هغه څوک چې جرمني ته راځي او غواړي له دريو مياشتو زيات پاته شي؛ بايد په دوو اونيو کې د ننه له اړونده ادارو سره د اوسېدو د ځای پته او خپلې ځانګړنې ثبت (Anmeldung) کړي. هغه کسان چې نه غواړي د پناغوښتنه وکړي؛ هم باید سيمهييزو ادارو (Einwohnermeldeamt يا Bürgeramt) د ته فدارلي ثبت قانون له مخې له خپل راتګه خبر ورکړي.
د پنا غوښتونکي په توګه له نوم ثبتولو وروسته باید د بهرنيانو چارو ادارې ته ولاړ شيء او اوسېدو د اجازې غوښتنه وکړئ. د دې لپاره چې پوه شئ له څلورو ډولونو، د کوم ډول اوسېدنې اجازه تر لاسه کوي؛ د پناغوښتونکو لپاره د اوسېدنې د اجازې ډولونه په نامه زموږ مالوماتي څپرکی وګورئ. د دې لپاره چې پوه شئ څه ډول د پنا غوښتنه وکړئ؛ د پناغوښتنې پروسې په نوم دا پاڼه وګورئ.
که تاسې تر څار لاندې ياست او يا داسې دنده لرئ چې تاسې ته ترې خطر پېښېدای شي؛ کولای شئ د ثبت د فدرالي قانون د ۵۱مې مادې له مخې د وګړو د ثبت له ادارې وغواړئ چې ستاسې شخصي مالومات پټ وساتي. په دې ډول ستاسې پته پټه پاته کيږي او بل څوک يې نه شي کتلای.
