د اسنادو رسمي کول او ویزه اخیستنه.

سلامونه او ټوګېدر این جرمني ویبپاڼې ته درته ښه راغلاست وایم.‌

د جرمني هېواد د فرصت کارت د تر لاسه کولو لپاره باید لومړی له https://www.kmk.org/zab/zentralstelle-fuer-auslaendisches-bildungswesen… ادارې څخه د خپلو سندونو د رسمي کولو سند تر لاسه کړئ بیا وروسته نوره پروسه پر مخ وړلی شئ.‌

او د فرصت د کارت د تر لاسه کولو لپاره لاندې شرطونه باید پوره کړئ:‌

د فرصت کارت ترلاسه کولو لپاره دوې لارې شته:

1. د درېیم هیواد هغه وګړي چې د استوګنې قانون د ۱۸ پراګراف درېيم بند سره سم ماهر کارکوونکي (Fachkräfte) ګڼل کیږي، پرته له کوم ځانګړي اضافي شرط څخه د فرصت کارت ترلاسه کولی شي. د دې لپاره چې یو ماهر کارګر وګڼل شئ، باید ثابته کړئ چې ستاسې بهرني مسلکي یا د پوهنتون د فراغت سندونه په جرمني کې رسمي شوي دي.
2. که تاسو مسلکي يا ماهر کارکوونکي نه یاست، باید د جرمني ژبې (A1) یا د انګلیسي ژبې لومړني مهارتونه B2 ولرئ؛ د نومرو په سیسټم کې لږترلږه شپږ نمرې ترلاسه کړئ او د لاندې معیارونو څخه یو پوره کړئ:

• د بهرني پوهنتون د فراغت سند لرئ؛ يا
• مسلکي روزنه لرئ چې لږترلږه دوه کاله يې دوام کړی وي او سند يې د روزنې په هېواد کې رسمي شوی وي؛ يا
• د روزنې داسې سند لرئ چې په بهر کې د جرمني د سوداګرۍ خونې لخوا تاييد شوی وي.

يادونه: تاسې باید د بهرنیو زده‌کړو مرکزي دفتر (ZAB) تایید ولرئ چې ښکاره کړي په بهر کې ستاسې مسلکي زده‌کړو لږترلږه دوه کاله دوام کړی دی. تاسې باید د دې پروسیجر لګښت پخپله ورکړئ. ZAB باید تاسو ته دا هم تایید کړي چې ستاسې مسلکي سند یا د پوهنتون سند په هغه هیواد کې د دولت لخوا په رسميت پیژندل شوی، چیرې چې تاسې خپل مسلکي سند یا د پوهنتون سند ترلاسه کړی وي (§ 20a Abs. 4 Satz 5 AufenthG-E).

د (www.make-it-in-germany.com) پر پاڼه کتلی شئ چې د فرصت د کارت ترلاسه کولو لپاره شرطونه پوره کولی شئ او که نه.

همدارنګه په روسیه کې هم د جرمني په سفارت کې وخت اخیستلی شئ او هغوی مو کارونه پروسیس کولی شي. 

که لا هم په دې اړه پوښتنه لرئ هیله ده چې دلته یې راته ولیکئ. 

په درنښت