د استوګنی داېمې اجازه

سلامونه او ټوګېدر این جرمني ویبپاڼې ته درته ښه راغلاست وایم! متاسفانه که داسې هویتي سند وړاندې نه کړئ،‌ چې ستاسو هویت پکې ثابت شي نو اکثره وخت د استوګنې د دایمي اجازې او همدارنګه د جرمني د پاسپورټ اخیستل سختېږي نو د دې لپاره باید داسې یو هویتي حتمن د کډوالو چارو ادارې ته وروړئ چې ستاسو هویت ثابت کړي. که دلته په سفارت باندې فشار راولئ ممکن تذکره درکړي خو که دلته یې د اخیستلو امکان نه لرئ‌ بیا کېدلی شي‌ چې په افغانستان کې تذکره جوړه کړئ او دلته یې د پوسټ له لارې را وغواړئ. نو بیا مو کېدلی شي‌ د استوګنې د دایمي اجازې غوښتنه هم ومنل شي.‌ که لا هم په دې اړه پوښتنه لرئ،‌ هیله ده چې دلته یې راته ولیکئ.‌ په درنښت

سلامونه! که په بن کې مو تذکره جوړه کړې وي،‌ هغه بلکل سمه ده، ځکه د بن سفارت د طالبانو په لاس کې نه دی. هغوی اوس هم د پخواني جمهوریت په نوم پاسپورت او تذکره خلکو ته ورکوي.‌ دغه تذکره باید درسره ومني، که داسې نه وي بیا له وکیل یا هم مشورتي ادارو سره په دې اړه مشوره وکړئ او هغوی ته دا مسله په ښه او واضح توګه تشریح کړئ بیا هغوی کولی شي درسره مرسته وکړي.‌ که لا هم په دې اړه پوښتنه لرئ هیله ده چې دلته یې راته ولیکئ.‌ په درنښت!