د اوسیدو د اجازی بدلول

ممکن په ځینو شرایطو کې وکولای شئ چې دا اجازه په بله د اوسېدو اجازه بدله کړئ. دا په دې پورې اړه لري چې تاسې کوم ډول د اوسېدو اجازه غواړئ. د بېلګې په ډول:

1. د کار پر اساس د اوسېدو اجازه:
   • ماهر کارکوونکي: که تاسې مسلکي زده کړې بشپړې کړې وي، یا د پوهنتون سند ولرئ چې په جرمني کې رسمي شوی وي، نو کېدای شي د مسلکي کارکوونکو لپاره د اوسېدو اجازه ترلاسه کړئ.
   • عامې دندې: که تاسې داسې دنده ولرئ چې د  کار فدرالي ادارې شرایط پوره کوي، نو دا هم يو طريقه کېدای شي.
2. زده‌کړې:
   • په معتبر تعلیمي يا تحصيلي مرکز کې د داخلېدو له لارې، د زده کړو لپاره د اوسېدو اجازه ترلاسه کولای شئ.

عمومي شرطونه:

• د ژوند تضمین: باید وکولای شئ چې خپل ژوند له عامه مرستو پرته تأمین کړئ.
• روغتیایي بیمه: په جرمني کې د روغتیایي بیمې شتون ضروري دی.
• ژبې پوهه: د اوسېدو د اجازې د ډول په اساس، کېدای شي د جرمني ژبې سند ته اړتیا وي.
• جرمي ریکارډ نه لرل: پاکه عدلي سابقه اړینه ده.
  
  البته ښه به وي چې په دې اړه له مشورتي ادارو سره اړيکه ونيسئ او بشپړ مالومات ترلاسه کړئ.