خپل عمر مې کم ورکړي

سلامونه او ټوګېدر این جرمني ویبپاڼې ته درته ښه راغلاست وایم! دا چې په لومړیو کې مو کوم عمر ورکړئ، د هغه په اساس مو که تذکره جوړه کړئ ښایي دا لاره درته اسانه وي. خو که چېرې اوس ووایئ چې نه په لومړیو کې زما عمر ناسم و، نو ښایي ستونزه مو لویه شي. ځکه عمر د پناه غوښتنې په پروسه کې تر ټولو مهم څه دي چې باید په نظر کې مو نیولی وی. که امکان ولري، د خپلې تذکرې عمر مو د هغه عمر پر اساس جوړ کړئ کوم چې تاسو د انټریو پر وخت ورته ویلی دی. که اوس دا تذکره ورته ښکاره کړئ، ښایي د ناسمو مالوماتو د ورکونې تور درپورې کړي او ستونزه درته جوړه کړي.‌ که لا هم په دې اړه پوښتنه لرئ، هیله ده چې دلته یې راته ولیکئ.‌ په درنښت،‌