عمومي ترانسپورت

څنګه کولای شم له خپل موټر پرته سفر وکړم؟

دلته موږ د {videoservice} د منځپانګې لرونکي يو. د نورو مالوماتو لپاره {socialhintlink_end}(دلته){socialhintlink_begin} کلېک وکړئ.

په جرمني کې د سفر لپاره خامخا موټر يا لېسنس درلودل اړين نه دي. نورې ډېرې وسيلې شته چې تاسې يې په مرسته له يوه ځايه بل ته تللای شئ.

بسونه، ميترو، ښاري ټرېنونه او شترسنبانونه (په ځينو ښارونو کې ټرم ورته وايي) په جرمني کې عامه ترانسپورت ګڼل کيږي. له دې وسيلو د ګته اخستلو لپاره بايد يو ټکټ ترلاسه کړئ. په هر ښار کې د ټکټ خرڅولو اتومات ماشينونه شته او مختلفې بڼې لري. په بسونو کې ټکټونه د ډرېور له لوري پلورل کيږي خو په ياد مو وي چې له ځان سره ماتې پیسې يا سکې ولرئ. غوره دا ده چې له سفر وړاندې د ټکټ خرڅولو له پلورنځيو يا غورفو ټکټ ترلاسه کړئ. دا ټکټونه په ښارونو کې د عمومي ترانسپورت د کمپنيو اړوند نښان لري. په ځينو ښارونو کې انلاين ټکټونه هم اخستلای شئ.

د ټکټونو بېلابېل ډولونه شته. ځينې يې څو ساعته يا دوه‌طرفه وي او ځينې نور بيا د ټولې ورځې، اونۍ يا مياشتې لپاره وي. د سيمو تر منځ واټن هم د ټکټونو په بيه اغېز لري. هغه ټکټونه چې يو ساعت اعتبار لري؛ بايد ټاپه کړئ. له اتومات ماشينونو نه په اخستل شوو ټکټونو ډېر وخت نېټه او ساعت هم ليکل شوی وي او بيا ځلې ټاپه کولو ته اړتيا نه لري.

د ماشومانو، زده‌کوونکو، محصلينو، متقاعدو کسانو او پناغوښتونکو لپاره په ټکټونو کې ځانګړي تخفيفونه په نظر کې نيول کيږي. دا ځانګړي ټکټونه په اتومات ماشينونو کې ترلاسه کېدای شي خو ځينې وخت يوازې په پلورنځيو او د ترانسپورتي خدمتونو په ادارو کې ورکول کيږي. د دې ټکټونو د پېرلو لپاره ځينې سندونو ته اړتيا ده چې ځينې وخت يې بايد د پېرلو پر مهال پلورونکي ته ورښکاره کړئ.

په جرمني کې سفر کول

بسونه

ټرېنونه

Mitfahrgelegenheiten په شخصي کرايي موټرونو کې سفر

د بايسکېل سفرونه

که له ټکټ پرته سفر وکړم؛ څه پېښيږي؟

مهم

که په جرمني کې نوي ياست او لا هم د سفر د محدوديت تر مقرراتو لاندې ياست؛ له اجازې پرته نورو ايالتونو ته د سفر اجازه نه لرئ.