تاخير اوراق
مرحبا
بعد انتظار خمس شهور من قرار حصولي على الحماية الثانوية
وخربطة مواعيد من قبل موظفة الاوسلندر
وصل موعدي ورحت لابصم انا وعائلتي لاحصل على الاقامة
زوجتي وابنتي بصمو على الاقامة واستلموها بعد اسبوع
وانا خبرتني الموظفة انو بسبوري واوراقي الشخصية يلي سلمتهن ياهن ضايعين عندهن ومابيعرفو وينهن وعم يدورو عليهن
وخبرتني انو بحكم ضايعين اوراقي فما بيحقلي استلم الاقامة لحتى يلاقو اوراقي
خبرتها انو بركي ما التقو وماعرفتو وينهن
قالتلتي بتروح بتساوي بسبور جديد وبتجبلنا ياه لنعطيك اقامة
وانا اذا بدي ساوي بسبور فبدي اتكلف بحدود 1200يورو مصاريف بسبور وطريق على برلين
والمصيبة الاكبر انو ولو معي المبلغ فما بيحقلي اني ساوي بسبور جديد لان بسبوري يلي هنن عقولتهن مضيعينو في مدة خمس سنوات لسه
قلت للموظفة انو اديش ممكن انتظر لحتى يلاقو البسبور واستلم اقامتي واوراقي
فقالتلي ممكن اسبوع وممكن سنة
وانا تعطل كل شغلي وخاليا لا اقامة ولا اوراقي الثبوتية يلي سلمتهن ياهن موجودين
وللعلم رفضت تعطيني ورقة مكتوبة بهالشي
شو ممكن ساوي
وهل ممكن لاقي محامي يساعدني بهالامر
انا بمدينك باكنانغ بمقاطعة بادن فورتمبيرغ
بتمنا يكون عندكن جواب وتحسنو توجهوني لطريقة حصل اوراقي
مرحبا @وسام-
شكراً لتواصلك معنا ويؤسفني سماع وضعك الصعب!
للأسف كما ذكرت، من الممكن أن يستغرق الموضوع وقتك طويل حتى تلتقى الأوراق. ممكن انك تكتب إيميل رسمي الى مكتب الأجانب توثق فيه يلي صار معك كإثبات (بتاريخ كذا قمت بتسليم جواز سفرك والأوراق الشخصية وأنه تم إخبارك بأنها ضاعت ولا يمكن استلام الإقامة حتى العثور على الأوراق). طالما عندك حماية ثانوية، فإن إصدار جواز سفر جديد من سفارة بلدك، ممكن يسبب لك مشاكل قانونية تتعلق بالإقامة. لذلك ننصحك بكل الأحوال بالتواصل مع محامي والحصول على مشورة شخصية متعلقة بوضعك، للأسف لا يمكننا تقديم المشورة القانونية على منصتنا. لكن يمكنك البحث عن محامي/ـة عبر الرابط التالي: https://bravsearch.bea-brak.de/bravsearch/index.brak (ابحث عن محامي/ـة مختص/ـة بقانون الهجرة، ستحتاج لدفع تكاليف الاستشارة)
يمكنك أيضاً التواصل مع المركز الاستشاري التالي الموجود في منطقة سكنك: https://www.caritas-ludwigsburg-waiblingen-enz.de/hilfe-beratung/integration-amp-migration/migrationsberatung-fuer-erwachsene/migrationsberatung-fuer-erwachsene قد يساعدك بالمركز ببعض النصائح المفيدة في وضعك
أتمنى أن تجد حلاً لمشكلتك في أسرع وقت ممكن!
تحية طيبة