IT jobs

سلامونه او ټوګېدر این جرمني ویبپاڼې ته درته شه راغلاست وایم.‌ ستاسو د لومړۍ پوښتنې په ځواب کې باید دا ووایم، چې د سندونو د رسمي کولو لپاره تاسو اړ یاست چې په انلاین بڼه باندې پلټنه وکړئ، اکثره وخت دا چاره ځینې پوهنتونه هم تر سره کوي او د بهرنیو اسنادو د رسمي کولو پروسه پر مخ وړي. همدارنګه د سندونو د رسمي کولو يا معادل کولو په اړه نور مالومات پر (www.anerkennung-in-deutschland.de) وېبسایټ ولولئ. همدا شان د (بمف) اداره هم په دې اړه ستاسې پوښتنو ته د ټليفون يا برېښناليک له لارې په انګليسي او جرمني ژبو ځواب درکوي. که چېرې مناسب او داسې د کار افر تر لاسه کړئ چې په هغه کې د جرمني ژبې سند ته اړتیا نه وي، بیا په هغه صورت کې تاسو اړ نه لرئ چې د جرمني ژبې سند ولرئ خو که د دندې په افر کې له تاسو د جرمني ژبې زده کړه غوښتل شوې وي بیا نو اړ یاست چې د جرمني ژبې سند ولرئ. او د درېیمې پوښتنې په ځواب کې باید دا ووایم،‌ چې نه متاسفانه باید د دندې افر ولرئ، هغه هم باید لږ تر لږ شپږ میاشتنۍ وي چې وکولای شي د جرمني د کار لټولو ویزه په تر لاسه کړئ.‌ په دې اړه لا ډېر مالومات زموږ پر ویبپاڼه باندې لوستلی شئ. https://handbookgermany.de/ps/eu-blue-card که لا هم په دې اړه پوښتنه لرئ، هیله ده چې دلته یې راته ولیکئ.