که ستاسې عايد لږ وي يا له جابسنټره پیسې اخلئ او د کرايي کور د کرايه کولو لپاره کافي پیسې نه لرئ؛ کولای شئ د (WBS) تر لاسه کولو غوښتنه وکړئ. د ټيټ عايد کچه ستاسې له فدرالي ايالت سره اړه لري. د دې سند تر لاسه کولو لپاره بل مهم شی د استوګنې د اجازې درلودل دي. تاسې بايد په جرمني کې لږ تر لږه د يوه کال پاته کېدو (د زدکړو او کار ويزو لرونکو لپاره هم) اجازه ولرئ څو وکړای شئ د ارزانه کور نيولو لپاره دا سند تر لاسه کړئ.
WBS يا د سوسيالي کورونو اجازهليک
څنګه کولای شم په جرمني کې ارزانه کرايي کور ومومم؟
دلته موږ د {videoservice} د منځپانګې لرونکي يو. د نورو مالوماتو لپاره {socialhintlink_end}(دلته){socialhintlink_begin} کلېک وکړئ.
د (Wohnberechtigungsschein) په نامه د ارزانه کور کرايه کولو د وړتيا سند ښيي چې تاسې د هغو کورونو د کرايه کولو حق لرئ چې د دولت په مرسته جوړ شوي او کرايه يې کمه ده. دولت د کورونو د ودانولو يا بيا رغولو پر مهال د کورونو له خاوندانو يا شرکتونو سره مرسته کوي او بيا دا کورونه د (WBS) سند درلودونکو ته په ارزانه بيه په کرايه ورکول کيږي. په ځينو ايالتونو کې د (WBS) تر لاسه کول وړيا او په ځينو نور کې له څلورو تر څلوېښتو يورو قيمت لري. دا سند د يوه کس لپاره د يوې کوټې د کرايې اجازه ورکوي. که د کورنۍ غړي ډېر وي؛ د هغو شمېر ته په کتو د کوټو نيولو حق لرئ. ځينې کسان خپل سندونه سره يو ځای کوي او په ګډه د څو کوټو کور کرايه کوي. په دې څپرکي کې به تاسې ته وښيو چې څنګه (WBS) تر لاسه کړئ او د هغه د تر لاسه کولو لپاره کومو اسنادو ته اړتيا لرئ.
د WBS سند څنګه ترلاسه کړم؟
مهم
که د ټولو ضروري اسنادو له درلودلو ډاډه نه ياست؛ اندېښنه مه کوئ. تاسې کولای شئ د (WBS) تر لاسه کولو غوښتنه وکړئ او که کوم څه کم وي؛ ستاسې د سيمې د کورونو اړونده اداره (Wohnungsamt) به تاسې ته يو ليک ولېږي او درته وبه وايي چې نور کومو اسنادو ته اړتيا ده.
که د (WBS) تر لاسه کولو مستحق نه ياست او عايد مو هم کم وي؛ کولای شئ د خپلې ښاروالۍ (Bürgeramt, Rathaus,…) له ادارې د کورونو د مرستو پیسې (Wohngeld) وغواړئ.