فيزا البحث عن عمل

مرحبا عزيزي @i_brahim94 شكرا لمشاركة سؤالك على منصة TiG! حسب ما فهمت منك انو حاليا عندك إقامة طالب وبتخيل انو تصريح إقامتك رح ينتهي بعد وقت قصير من اكمال دراستك. لذلك مهم بعد التخرج وقبل ما تغادر ألمانيا انك تتواصل مع مكتب الأجانب وتغير نوع إقامتك الى إقامة البحث عن عمل. بما انو رح يكون عندك وقتها شهادة من جامعة ألمانية، فسيتم منحك إقامة لمدة 18 شهر للعثور على وظيفة. بهل الأثناء بتقدر تغادر ألمانيا لمدة لاتزيد عن ستة أشهر ولكن بعدها بيضل عندك مدة سنة حتى تلاقي وظيفة. في حال قررت البقاء خارج ألمانيا لمدة تزيد عن 6 أشهر فيجب عليك إخبار مكتب الأجانب وطلب موافقته وإلا ستخسر إقامتك في ألمانيا اذا تجاوزت المدة القانونية. بتمنى تكون المعلومات مفيدة لالك واذا عندي أسئلة إضافية فيك تتواصل معنا بأي وقت! تحياتي لك، أسامة

تحياتي @i_brahim94 مهم جدا إنك تخبر مكتب الأجانب (Ausländerbehörde) عند تخرجك. لازم تقدم طلب تغيير نوع الإقامة الى إقامة بحث عن عمل (Aufenthaltserlaubnis zur Arbeitsplatzsuche für Fachkräfte). لكل نوع إقامة في ألمانيا غاية محددة يمنح تصريح الإقامة على أساسها. حاليا الغرض من إقامتك هو الدراسة وعند انتهاء الدراسة يجب تغير نوع إقامتك. ينصح بتحديد موعد لدى مكتب الأجانب قبل 4 أو 6 أسابيع من موعد تخرجك لأن غالبا ما رح تلاقي موعد شاغر قبل عدة أسابيع. عبر هذا الرابط بإمكانك الاطلاع على مزيد من المعلومات عن إقامة البحث عن عمل والشروط المطلوبة وبأخر الصفحة في زر (Termin Buchen) لتحديد موعد، المعلومات موجودة أيضاً باللغة الإنكليزية: https://service.berlin.de/dienstleistung/324661/en/ قد يستغرق حصولك على الإقامة الجديدة عدة أسابيع الى أشهر. خلال هالفترة ولحين صدور تصريح الإقامة الجديد رح يعطوك غالبا تأشيرة إقامة مؤقتة (Fiktionsbescheinigung). هناك نوعين لهذه الإقامة المؤقتة، في نوع منهم ما بتقدر تسافر فيه برا ألمانيا للأسف. بخصوص موضوع البحث عن عمل، يمكنك عبر هذا الرابط إيجاد أهم مواقع البحث عن عمل في ألمانيا بالإضافة الى بعض مواقع التوظيف التي تقدم مساعدة في إيجاد عمل: https://handbookgermany.de/ar/jobsearch-and-application متل ما خبرتك بالرد السابق، بموجب الإقامة الجديدة رح يكون عندك 18 شهر لإيجاد عمل ضمن اختصاصك. بما انك موجود ببرلين فيك تتواصل مع مركز BBZ بيقدموا استشارة باللغة العربية والمركز ممكن يساعدك بحجز موعد وتقديم طلب تغيير نوع الإقامة وكمان ممكن يساعدوك بالبحث عن فرصة عمل: https://www.bbzberlin.de/ar/%d8%a7%d9%84%d8%aa%d9%88%d8%a7%d8%b5%d9%84/ بتمنالك كل التوفيق واذا عندك أي استفسار فيك تتواصل معنا دائماً!