طالب من أوكرانيا

مرحباً @Djam_bsm يسعد أوقاتك! إذا السؤال بالعربي فلازم يكون مكتوب المنتدى العربي أهلا وسهلا فيك

@Djam_bsm فيك تنتقل على ألمانيا بس في خطوات لازم تعملها لحتى تنتقل بشكل قانوني و على أساس الوضع اللي ممكن تحصل عليه بألمانيا فيك تقرر إذا بدك تنتقل أو لأ شو نوع الإقامة اللي كانت عندك بأوكرانيا؟ إقامة طالب ولا إقامة دائمة؟ عندك حدا من عيلتك بألمانيا؟

مرحبا مرة تانية بحسب قانون الإقامة بألمانيا (https://www.gesetze-im-internet.de/aufenthv/__42.html) لحتى تنقل ع ألمانيا بشكل قانوني لازم تروح ع مركز الهجرة بالمدينة اللي أنت فيها وتخبرن أنك بدك تنقل وتنهي الإجراءات هنيك. وعلى حسب ما فهمت منك، وقت تجي لهون و تسجل وصولك رح يدرسوا وضعك ويشوفوا اذا بتاخد اقامة وفق المادة §24 (https://www.gesetze-im-internet.de/aufenthg_2004/__24.html) من قانون الإقامة و هية الإقامة اللي عم يتم منحها لأصحاب الجنسية الأوكرانية و بعض أصحاب الجنسيات الأخرى ولا لأ. إذا لأ بتاخد نوع تاني من الإقامة بتكون الإمكانيات فيه محدودة أكتر من النوع السابق (24) ولكن بتحصل على مساعدة إجتماعية مالية. إذا كان بدك تكمل الدراسة بنصحك تتواصل مع الجامعات أول و تشوف أي جامعة بدك تكمل فيها و شلون بيقبلوا تكمل، شو بدهن أوراق؟ في تعديل مواد؟ في منح ممكن تقدم عليها و شو هية المنح؟ فيك تقرا شوية معلومات عن المنح بالنسبة للوضع هلأ للجايين من أوكرانيا على هالرابط https://www.daad.de/en/the-daad/ukraine/ وهاد الرابط لتعرف أكتر عن موضوع المنح بشكل عام https://handbookgermany.de/ar/learn/student-finance.html لازم خبرك أنو إذا أخدت قبول بالجامعة هاد ما بيعني بتتحول إقامتك لإقامة طالب بشكل أوتوماتيكي أو أنو بيعطوك غقامة طوال مدة الدراسة بشكل أوتوماتيكي، من الطبيعي جداً إنو نوع و مدة الإقامة تكون مختلفة عن الدراسة و مدتها. ممكن إنك تنتقل من البرتغال على ألمانيا ولكن بنصحك تخططلها منيح قبل ما تبدأ منشان ما تواجهك صعوبات تضيع عليك وقت إنك بحاجته شوف هي الروابط وإذا لزمك شي تاني كتبلي هون بالتوفيق

جميلا جدا