د لوړې کچې جرمني ژبې زده‌کړه

څنګه کولای شم تر لوړې کچې د جرمني ژبې زده‌کړې ته دوام ورکړم؟

کله چې د يوځای کېدنې يا (integration course) کورس پای ته ورسوئ؛ ښايي په لوړه کچه د جرمني ژبې د زده‌کړې هڅه وکړئ. د ډېرو اداري کارونو، حرفوي يا اکاډميکو لوړو زده‌کړو او په ډېرو نورو ګڼو مسلکونو کې د کار کولو لپاره له (B1) څخه په لوړه کچه د ژبې زده‌کړې ته اړتيا ده. په ټوليزه توګه د ژبو لپاره د اروپايي ټولنې چوکاټ له مخې د لوړې کچې ژبې زدکړه له (B2) پیليږي او په (C2) پای ته رسيږي.

د مهاجرو او کډوالو لپاره د  جرمني فدرالي اداره يا بمف يوازې د (A1, A2  او B1) کچو د زدکړو لګښتونه پر غاړه اخلي. کله چې د وروستۍ ازموينې په پای کې ستاسې د ژبې د زدکړې مهارتونه بشپړ وارزول شي؛ بمف د نورو زدکړو لپاره د لګښتونو ورکولو ته اړ نه دی خو تر ځانګړو شرايطو لاندې کولای شئ د د ژبې د زياتو مسلکي کورسونو بشپړولو غوښتنه وکړئ.

د پوهنتون د ژبې کورسونو په څېر د لوړې کچې جرمني ژبې د زده‌کړې ځينې نور ځانګړي کورسونه هم شته. همدا شان ګڼ ښه کورسونه په انلاين ډول موندلای شئ چې اکثر يې وړيا دي.

د کورسونو وړاندې کوونکي بنسټونه او لګښتونه

د (BAMF) کورسونه

د پوهنتونونو د ژبې کورسونه

د ژبو د زدکړې سکالرشيپونه

د ژبو ښوونځي

په انلاين ډول د جرمني ژبې زده‌کړه

په کورس کې له بريا وروسته تاسې ته د ګډون تصديق‌ليک (Teilnahmebescheinigung) درکول کيږي. که کورس مو په يوه عمومي ازموينه ختم شي؛ تاسې د سرچينو لپاره د اروپايي ټولنې د چوکاټ له مخې  د ټولو مرحلو په ګډون د ژبې د زدکړې يو بری‌ليک او د ازموينې په بېلابېلو برخو کې د نمرو پاڼه (Deutschzertifikat) درکول کيږي.

پام مو وي چې هغه مسلک ته په کتو چې غواړئ کار پکې وکړئ او‌ يا هغه زدکړو ته چې غواړئ ګډون پکې وکړئ؛ ښايي له تاسې د جرمني ژبې د تخصصي ازموينې (Fachsprachenprüfung) يا پوهنتون ته د تلو لپاره د جرمني ژبې ازموينې (Deutsche Sprachprüfung für den Hochschulzugang) په شان ځانګړو ازموينو يا سندونو غوښتنه وشي. له دې مخکې چې په ازموينه کې ګډون وکړئ؛ ځان ډاډه کړئ چې د يوې دندې د پيل يا زدکړو د پیل لپاره څه ډول سند ته اړتيا لرئ.

مهم

په لوړه کچه د جرمني ژبې د زده‌کړې لپاره ګڼ کورسونه شته چې تاسې کولای شئ وړيا ګډون پکې وکړئ. البته ټول يې له B2 نه تر C2 پورې ټولې مرحلې تر پوښښ لاندې نه راولي او همدا شان يو ډول موخې (اکاډميکه جرمني‌ ژبه، تجارتي جرمني ژبه...) نه څاري. مخکې له دې چې په کوم کورس کې نوم‌ليکنه وکړئ؛ ځان پوه کړئ چې په راتلونکي کې به د جرمني ژبې مهارتونه په کومو برخو کې کاروئ.