شين‌ پاسپورت

شين يا آسماني پاسپورت څه ته وايي؟

د مهاجرو لپاره د سفر سندونه د هغو هېوادونو د پاسپورت پر ځای کاريږي؛ له کومه چې اړوند کسان راغلي وي او مخکې يې د هغې هېواد رسمي تابعيت درلود. د مهاجرو په اړه د جينوا کنوانسيون د ۱۲۸مې مادې له مخې ټول لاسليک کوونکي هېوادونه اړ دي چې رسمي مهاجرو ته پاسپورټونه ورکړي؛ ځکه خو دې ډول پاسپورټونو ته کنوانسيوني پاسپورت هم وايي. په جرمني کې ډېر وخت هغه ته د پوښ د رنګ له کبله آسماني پاسپورت (Blauer Pass) وايي خو دا پاسپورت د کنوانسيون په ټولو غړو هېوادونو کې آسماني رنګ نه لري. آسماني پاسپورت بايد د اروپايي ټولنې له آسماني کارت (Blue Card) او يا له آسماني ديپلوماتيک پاسپورت سره غلط نه شي. د مهاجرت او کډوالو فدرالي اداره (BAMF) يوازې هغه چا ته آسماني پاسپورت ورکوي چې د مهاجر يا کډوال په توګه يې د پنا غوښتنه ومنل شي.

که تاسې د خپل اصلي هېواد پاسپورټ نه لرئ او په جرمني کې مو فرعي خونديتوب تر لاسه کړی وي او يا د ډيپورټ ملي بنديز درباندې پلی کيږي نو بايد د خپل هېواد له سفارته د پاسپورت غوښتنه وکړئ. که خپل سفارت مو پاسپورت درنه کړي؛ کولای شئ د بهرنيانو د تنظيم (Ausländerbehörde) له ادارې څخه د بهرنيانو د سفر اجازه‌ليک (Reiseausweis für Ausländer) وغواړئ.

د يوه بهرني، مهاجر يا بې‌وطنه کس په توګه ستاسې پاسپورت په جرمني کې ستاسې د پاته کېدو د اجازې تر پايه معتبر دی.

 

په شنه پاسپورت سفر کول

چا ته د مهاجرت پاسپورت ورکول کيږي؟

په آسماني پاسپورت کومو هېوادونو ته تللای شم؟

کومو هېوادونو ته له ويزې پرته سفر کولای شم؟

چېرته او څنګه آسماني پاسپورت تر لاسه کولای شم؟

زما آسماني پاسپورت د څومره وخت لپاره معتبر دی؟

که پاسپورت ورک شي؛ څه بايد وکړو؟

که د اوسېدو ځای بدل کړم؛ چا ته بايد خبر ورکړم؟

خړ رنګ پاسپورتونه چا ته ورکول کيږي؟

آيا آسماني پاسپورت او د اروپايي ټولنې آسماني کارت يو شی دي؟

مهم

د BAMF له لوري تاسې ته په رسمي ډول د مهاجرت حالت يا پناغوښتنې حق له درکولو وروسته به تاسې ته آسماني رنګ يا شين پاسپورت درکړل شي. له دې وروسته تاسې د خپل هېواد له سفارته د پاسپورت ترلاسه کولو او وطن ته د تلو اجازه نه لرئ. که دا کار وکړئ؛ په جرمني کې به خپل د اوسېدو حق او خونديتوب له لاسه ورکړئ.