په جرمني کې د کډوالو لپاره د کار اجازه

څنګه کولای شم په جرمني کې کار پیل کړم؟

دلته موږ د {videoservice} د منځپانګې لرونکي يو. د نورو مالوماتو لپاره {socialhintlink_end}(دلته){socialhintlink_begin} کلېک وکړئ.

په جرمني کې د کار اجازې په تر لاسه کولو کې ستاسې د اوسېدنې او پناغوښتنې حالت پرېکړه کوونکی دی. په اصل کې جرمني ته له راتګ وروسته په لومړيو دريو مياشتو کې د کار اجازه نه لرئ خو که د پناغوښتونکي په توګه مخکې له مخکې په رسميت پېژندل شوي ياست؛ دا شرايط تغيير کوي. دلته په دې اړه بشپړ مالومات موندلای شئ.

هغه کسان چې د کډوال په توګه نه بلکې په ويزه جرمني ته راغلي وي او يا راځي؛ د کار د اجازې په اړه بشپړ مالومات زموږ په بل مالوماتي څپرکي (جرمني ته مهاجرت) کې موندلای شئ.

کله او څنګه په جرمني کې د کار اجازه ترلاسه کولای شم؟

د پناغوښتنې پروسې په جريان کې د کار اجازه

د ډولډونګ لرونکو کسانو لپاره د کار اجازه

د قبولو شوو کسانو لپاره د کار اجازه

مهم

د پخواني قانون له مخې ډولډونګ لرونکو يا هغو کسانو ته چې د پنا‌غوښتنې پروسې يې جريان درلود، د چارواکو له لوري یوازې په هغو برخو کې د کار اجازه ورکول کېده چې د جرمني د کار په مارکېټ کې يې ډېر غوښتونکي نه لرل او يا د جرمني يا اروپايي ټولنې د غړو هېوادونو نورو اوسېدونکو يې غوښتنه نه کوله. دا قانون (Vorrangsprüfung) نومېده او اوس له لغوه شوی دی.