له افغانستان څخه د خلکو راايستلو په اړه مالومات

08.09.2021

په افغانستان کې وضعيت کړکېچن او حالات پېچلي دي. موږ هڅه کوو چې دلته، جرمني ته د راتګ په اړه ټول اړين مالومات وړاندې کړو. موږ همدا شان هڅه کوو چې نورو هېوادونو ته د تګ د اسانتياوو په اړه هم لومړني مالومات تر تاسې پورې درورسوو. که نوي‌ مالومات ترلاسه کړو، همدلته يې د هنډبوک جرمني پر وېبسایټ خپروو.

موږ خپل ټول توان کاروو څو ستاسې پوښتنو ته ځوابونه ومومو او هره ورځ په دې اړه له اړونده ادارو سره اړيکه نيسو. په خواشينۍ چې د حکومتي ادارو له لوري د ځينو موضوعاتو په اړه کافي ‌مالومات نه ورکول کيږي. د يادونې وړ ده چې ښايي حالات هره شېبه بدل شي او دا پاڼه له نويو مالوماتو سره تازه شي.

مهم:

-       جرمني له افغانستان څخه د خلکو د راايستلو نظامي پروسه بشپړه کې ده. اوس مهال جرمن چارواکي له طالبانو او د سيمې له هېوادونو سره خبرې کوي څو پاته کسانو ته له افغانستان څخه د وتلو خوندي لاره برابره کړي.

-       د ځينو راپورونو له مخې، په بين‌المللي هوټلونو، د سفارتونو په مېلمستونونو، امن کورونو او دې ته ورته ځايونو کې پاته کېدل خطرناک دي. تر ګواښ لاندې کسانو ته ښايي په خپل کور کې پاته کېدل هم ګواښ رامنځته کړي.

-       په ټولنيزو رسنيو کې له بهرنيانو سره ګډ انځورونه او يا د ښځو د حقونو په اړه د کمپاين عکسونه ښايي خطرناک وي او بايد پاک کړل شي. په دې اړه مالومات پر (chayn.gitbook.io) وېبسایټ موندلای شئ.

پاملرنه:

  •  په خواشينۍ چې هنډبوک جرمني، د خلکو په راوستلو کې کوم ځانګړی اغېز نه لري. هيله ده موږ ته خپل مالومات او سندونه مه رالېږئ او د دې پر ځای يې د خپلو پخوانيو کاردرکوونکو ادارو اړونده برېښناليکونو ته ولېږئ، ځکه يوازې دوی مو مرسته کولای شي. پام مو وي چې نارسمي پتو او خلکو ته خپل مالومات مه ورکوئ.

له افغانستان څخه د وتلو په اړه مالومات

زه د جرمنيانو پخوانی محلي همکار (Ortskraft) يم او پاسپورت او د جرمني ويزه لرم!

زه د جرمنيانو پخوانی محلي همکار (Ortskraft) يم خو لا هم د قبلېدو تاييد (Aufnahmezusage) نه لرم!

زه د جرمنيانو پخوانی محلي همکار (Ortskraft) يم، د قبلېدو تاييد او معتبر پاسپورت لرم خو ويزه نه لرم!

زه د جرمنيانو محلي همکار نه يم خو ژوند ته مې ګواښ دی!

که څوک په پورته يادو شوو تر ګواښ لاندې ډلو کې وي او لا هم د منل کېدو تاييد نه لري، څه کولای شي؟

ما د جرمني بنسټونو له يوه اړونده شرکت سره کار کړی دی، څه کولای شم؟

زه جرمني پاسپورت لرم او اوس په افغانستان کې يم!

زه د جرمني د استوګنې اجازه لرم او اوس په افغانستان کې يم!

د کورنۍ د غړو راوستلو پروسه (Familienzusammenführung) څه ډول کيږي؟

جرمني ته د کورنۍ غړو راوستلو د ويزې لپاره د جرمني ژبې د زده‌کړې سند غوښتل کيږي؟

جرمني ته د تللو لپاره نور فرصتونه هم شته؟

د جرمني د سفارتونو د اړيکو پتې چېرته موندلای شم؟

نورو هېوادونو ته د تګ چانسونه شته؟

که په بل هېواد کې وم، له کومه ځايه مرسته ترلاسه کولای شم؟

زه له افغانستان څخه جرمني ته راوستل شوی يم، نور مالومات چېرته ومومم؟

زه د اروپايي ټولنې د يوه بل هېواد ويزه يا د منل کېدو سند لرم، کولای شم له هغه ځايه جرمني ته ولاړ شم؟

په جرمني کې د افغانانو لپاره مالومات

افغانستان ته ډيپورټ شته؟

ما د پنا غوښتنه کړې ده، اوس به څه کيږي؟

ما د بمف د پرېکړې پر وړاندې محکمې ته اعتراض کړی دوی او څو کالونه کيږي چې منتظر يم، څه به کيږي؟

زما د پنا غوښتنه رد شوې ده او اوس ډولډونګ لرم، څه کولای شم؟

د کار اجازې يا د اوسبيلډونګزډولډونګ غوښتنه مې رد شوې ده، څه کولای شم؟

اوسلنډربېهورده له ما څخه د افغانستان د تذکرې يا پاسپورت غوښتنه کوي، څه وکړم؟

د ادغام په کورسونو کې زما د ګډون غوښتنه رد شوې ده، څه وکړم؟

د ملاتړو او مرسته کوونکو لپاره مالومات

څه ډول کولای شم له تازه راتلونکو افغانانو سره مرسته وکړم؟

مهم

د نيدرزاکسن د مهاجرو شورا (Niedersächsischen Flüchtlingsrats) او د بايرن د مهاجرو شورا (Bayrischen Flüchtlingsrats) پر پاڼو هم له افغانستان څخه د راوتلو د فرصتونو په اړه مالومات موندلای شئ.