د جرمنيانو محلي همکاران (Ortskräft)

هغه کسان چې د ۲۰۱۳ کال له پيل راهيسې يې په مخامخ توګه له يوه جرمن ادارې يا جرمني پوځيانو سره کار کړی وي، د جرمنيانو محلي همکاران (Ortskräft) بلل کيږي. په دې ډله د GIZ، KFW او PCP کارکوونکي هم راځي. همدا شان د جرمني د سياسي او پراختيايي بنسټونو کارکوونکي هم تر دې کته‌ګورۍ لاندې راځي. دلته به ومومئ چې دوی له چا سره اړيکه نيولای شي او اوس حالت څنګه دی.

موږ خپل ټول توان کاروو څو ستاسې پوښتنو ته ځوابونه ومومو او هره ورځ په دې اړه له اړونده ادارو سره اړيکه نيسو. په خواشينۍ چې د حکومتي ادارو له لوري د ځينو موضوعاتو په اړه کافي ‌مالومات نه ورکول کيږي.

که نوي‌ مالومات ترلاسه کړو، همدلته يې د هنډبوک جرمني پر وېبسایټ خپروو. د يادونې وړ ده چې ښايي حالات هره شېبه بدل شي او دا پاڼه له نويو مالوماتو سره تازه شي.

پاملرنه:

 په خواشينۍ چې هنډبوک جرمني، د خلکو په راوستلو کې کوم ځانګړی اغېز نه لري. هيله ده موږ ته خپل مالومات او سندونه مه رالېږئ او د دې پر ځای يې د خپلو پخوانيو کاردرکوونکو ادارو اړونده برېښناليکونو ته ولېږئ، ځکه يوازې دوی مو مرسته کولای شي. پام مو وي چې نارسمي پتو او خلکو ته خپل مالومات مه ورکوئ.

د جرمني د محلي همکارانو لپاره مهم مالومات

زه يو معتبر پاسپورت او د جرمني ويزه لرم!

زه د قبلېدو تاييد (Aufnahmezusage) او معتبر پاسپورت لرم خو ويزه نه لرم!

زه لا هم د قبلېدو تاييد (Aufnahmezusage) نه لرم!

ما له ۲۰۱۳ کال وړاندې له يوې جرمني ادارې سره کار کړر دی، کولای شم ځان ثبت کړم؟

ما د جرمني بنسټونو له يوه اړونده شرکت سره کار کړی دی، څه کولای شم؟

که په بل هېواد کې وم، له کومه ځايه مرسته ترلاسه کولای شم؟

خبرداری!

موږ له ځينو وېبسایټونو او خلکو خبر شوي يو چې ځينې کسان د جرمني جعلي ويزاوې پلوري. پام مو وي چې دوکه کوونکو ته د بهرنيو ويزو لپاره پیسې ورنه کړئ. د برېښناليکونو لېږلو پر مهال پام وکړئ او بېرته د ځواب ورکولو پر مهال ځان د مقابل کس يا ادارې په رښتينوالي ډاډه کړئ. د جرمني ويزې نه پلورل کيږي او يوازې هغو کسانو ته ورکول کيږي چې د جرمني د جکومت له لوري ټاکل شوي شرطونه پوره کړي.

مهم

په ټولنيزو رسنيو کې له بهرنيانو سره ګډ انځورونه او يا د ښځو د حقونو په اړه د کمپاين عکسونه ښايي خطرناک وي او بايد پاک کړل شي. په دې اړه مالومات پر (chayn.gitbook.io) وېبسایټ موندلای شئ.