له افغانستان څخه د خلکو راايستلو په اړه مالومات

Afghanistan Info
اوسمهالیز 16.11.2022

په افغانستان کې وضعيت کړکېچن او حالات پېچلي دي. موږ هڅه کوو چې دلته، جرمني ته د راتګ په اړه ټول اړين مالومات وړاندې کړو. موږ همدا شان هڅه کوو چې نورو هېوادونو ته د تګ د اسانتياوو په اړه هم لومړني مالومات تر تاسې پورې درورسوو. که نوي‌ مالومات ترلاسه کړو، همدلته يې د هنډبوک جرمني پر وېبسایټ خپروو.

Ausführliche Informationen:

هغه کسان چې د ۲۰۱۳ کال له پيل راهيسې يې په مخامخ توګه له يوه جرمن ادارې يا جرمني پوځيانو سره کار کړی وي، د جرمنيانو محلي همکاران (Ortskräft) بلل کيږي. په دې ډله د GIZ، KFW او PCP کارکوونکي هم راځي. همدا شان د جرمني د سياسي او پراختيايي بنسټونو کارکوونکي هم تر دې کته‌ګورۍ لاندې راځي. دلته به ومومئ چې دوی له چا سره اړيکه نيولای شي او اوس حالت څنګه دی.

موږ خپل ټول توان کاروو څو ستاسې پوښتنو ته ځوابونه ومومو او هره ورځ په دې اړه له اړونده ادارو سره اړيکه نيسو. په خواشينۍ چې د حکومتي ادارو له لوري د ځينو موضوعاتو په اړه کافي ‌مالومات نه ورکول کيږي.

که نوي‌ مالومات ترلاسه کړو، همدلته يې د هنډبوک جرمني پر وېبسایټ خپروو. د يادونې وړ ده چې ښايي حالات هره شېبه بدل شي او دا پاڼه له نويو مالوماتو سره تازه شي.

پاملرنه:

 په خواشينۍ چې هنډبوک جرمني، د خلکو په راوستلو کې کوم ځانګړی اغېز نه لري. هيله ده موږ ته خپل مالومات او سندونه مه رالېږئ او د دې پر ځای يې د خپلو پخوانيو کاردرکوونکو ادارو اړونده برېښناليکونو ته ولېږئ، ځکه يوازې دوی مو مرسته کولای شي. پام مو وي چې نارسمي پتو او خلکو ته خپل مالومات مه ورکوئ.

د جرمني د محلي همکارانو لپاره مهم مالومات

زه يو معتبر پاسپورت او د جرمني ويزه لرم!

اوس مهال له افغانستان څخه مخامخ اروپا ته الوتنې نشته. هغه کسان چې پخوا يې د جرمني د داخله وزارت، دفاع وزارت او يا پرمختيايي وزارت په شان له يوې جرمن ادارې سره کار کړی وي او اوس د جرمني ويزه او معتبر پاسپورت ولري، کولای شي له ګاونډيو هېوادونو څخه جرمني ته د راتلو هڅه وکړي. البته تر سرحدونو پورې پر لار به يوازې ياست او دا مالومه نه ده چې پر پوله به د تېرېدو اجازه درکړل شي او که نه. که بيا هم غواړئ دا کار وکړئ، ښه به وي چې له خپل پخواني دفتر سره اړيکه ونيسئ. د پاکستان له لارې د تګ په اړه نور مالومات د کابل هوايي پل پر وېبسایټ لوستلای شئ.

که د پخواني رييس يا دفتر برېښناليک نه لرئ، لاندې پتې وکاروئ:

-       د بهرنيو چارو وزارت: okv@kabu.auswaertiges-amt.de

-       GIZ: okv-afghanistan@giz.de

-       د پرمختيايي چارو اداره: okv@bmz.bund.de

-       د جرمني دفاع وزارت / پوځ: RSMESEinsWVStOKV@bundeswehr.org

د پاکستان سره پر کرښه د وضعيت په اړه مالومات د (Kabul Luftbrücke) پر وېبسایټ موندلای شئ. په ياد مو وي چې اوس د تذکرې په وسيله پاکستان ته تګ ناشونی دی. د دې کار لپاره بايد معتبر پاسپورت او ويزه ولرئ. له اتو کالونو د ټيټو کسانو لپاره برېښنايي تذکره هم بسنه کوي. په استثنايي حالتونو کې ښايي له ځينو کسانو سره پر کرښه د تېرېدلو لپاره مرسته وشي.

که قبول شوي څوک ګاونډيو هېوادونو ته وتلي وي، سملاسي دې د جرمني له سفارتونو سره اړيکه ونيسي. دوی به بيا جرمني ته ستاسې په استولو کې مرسته وکړي. د جرمني د سفارتونو پتې او د اړيکو شمېرې د بهرنيو چارو وزارت پر وېبسایټ (auswaertiges-amt.de) موندلای شئ. که په سفارت کې د وخت نيولو ستونزه لرئ، کولای شئ له GIZ سره په (AFG-GC-staff-support@giz.de) برېښناليک اړيکه ونيسئ.

زه د قبلېدو تاييد (Aufnahmezusage) او معتبر پاسپورت لرم خو ويزه نه لرم!

اوس مهال له افغانستان څخه مخامخ اروپا ته الوتنې نشته. هغه کسان چې پخوا يې د جرمني د داخله وزارت، دفاع وزارت او يا پرمختيايي وزارت په شان له يوې جرمن ادارې سره کار کړی وي بايد له خپل پخواني دفتر سره اړيکه ونيسئ.

که د پخواني رييس يا دفتر برېښناليک نه لرئ، لاندې پتې وکاروئ:

-       د بهرنيو چارو وزارت: okv@kabu.auswaertiges-amt.de

-       GIZ: okv-afghanistan@giz.de

-       د پرمختيايي چارو اداره: okv@bmz.bund.de

-       د جرمني دفاع وزارت / پوځ: RSMESEinsWVStOKV@bundeswehr.org

همدا شان کولای شئ د افغانستان د محلي همکارانو شبکې فورمه (Formular des Patenschaftsnetzwerk Afghanische Ortskräfte) هم ډکه کړئ. دا شبکه هڅه کوي چې له اړونده کسانو سره مرسته وکړي. د يادونې وړ ده چې دا يوه نادولتي شبکه ده او دا پرېکړه نه شي کولای چې څوک بايد جرمني ته راشي. د شبکې همکاران رضاکارانه او وړيا کار کوي.

اوس مهال له ځينو هغو کسانو سره هم اړيکه نيول کيږي چې پاسپورتونه نه لري او بيا د ځانګړو سندونو په وسيله پاکستان ته بېول کيږي. هلته بيا دوی ته د سفارت له لارې د سفر سندونه چمتو کيږي او وروسته جرمني ته راوستل کيږي.

د پاکستان سره پر کرښه د وضعيت په اړه مالومات د (Kabul Luftbrücke) پر وېبسایټ موندلای شئ. په ياد مو وي چې اوس د تذکرې په وسيله پاکستان ته تګ ناشونی دی. د دې کار لپاره بايد معتبر پاسپورت او ويزه ولرئ. له اتو کالونو د ټيټو کسانو لپاره برېښنايي تذکره هم بسنه کوي. په استثنايي حالتونو کې ښايي له ځينو کسانو سره پر کرښه د تېرېدلو لپاره مرسته وشي.

که قبول شوي څوک ګاونډيو هېوادونو ته وتلي وي، سملاسي دې د جرمني له سفارتونو سره اړيکه ونيسي. دوی به بيا جرمني ته ستاسې په استولو کې مرسته وکړي. د جرمني د سفارتونو پتې او د اړيکو شمېرې د بهرنيو چارو وزارت پر وېبسایټ (auswaertiges-amt.de) موندلای شئ. که په سفارت کې د وخت نيولو ستونزه لرئ، کولای شئ له GIZ سره په (AFG-GC-staff-support@giz.de) برېښناليک اړيکه ونيسئ.

زه د قبلېدو تاييد يا ويزه لرم خو د کورنۍ غړي مې يې نه لري، څه وکړم؟

که د جرمنيانو د پخواني همکار يا تر ګواښ لاندې کس په توګه د قبلېدو تاييد يا ويزه ولرئ، د اصولو له مخې د خپلې کورنۍ نږدې غړي هم جرمني ته درسره راوستلای شئ. په دې غړو کې ستاسې مېړه/ښځه او له اتلس کالونو د ټيټ عمر لرونکي بچيان په ځانګړو حالاتو کې ستاسې له اتلس کالونو لوړ عمر لرونکي مجرد اولادونه هم راوستلای شئ.  زموږ د مالوماتو له مخې د ځينو کسانو بچيانو ته ويزې نه دي ورکول شوې او يا يې هم د کورنۍ يو څو غړو ويزې يا تاييدليکونه ترلاسه کړي دي. که تاسې هم له دې حالت سره مخ ياست، کولای شئ د جرمني له بهرنيو چارو وزارت څخه د کورنۍ د ټولو غړو لپاره د تاييدليک غوښتنه وکړئ. په ياد مو وي چې په غوښتنليک کې د ټولو اړونده کسانو نومونه، د زېږېدنې نېټې، د زېږېدنې ځای، د پاسپورت شمېرې او ستاسې د خپلوۍ نسبت (لکه: لور، زوی او ...) وليکئ.

دا غوښتنليک خپلې پخوانۍ ادارې او هغه برېښناليک ته ولېږئ چې تاييدليک مو ورڅخه ترلاسه کړی دی. که دا کار شونی نه وي،  (okv@kabu.auswaertiges-amt.de) پتې ته برېښناليک ولېږي.

پاملرنه!

که غواړئ د کورنۍ نور غړي لکه مور او پلار، له اتلس کالونو پورته خور او ورور جرمني ته راولئ،  باید د استوګنې قانون د ۳۶ مادې د دوهم بند له مخې د اظطراري يا سخت حالت له مخې غوښتنه (Härtefallantrag) وکړئ. ددې غوښتنلیک شرایط ډېر لوړ،  او پوره کول یې سخت دي.

په دې اړه لا ډېر مالومات د (کورنۍ د غړو راوستلو) څپرکي کې ولولئ.

ما د قبلېدو یو تایید تر لاسته کړئ، د( BMI-Nummer) شمېره له کومه کړم؟

کله چې تاسې د قبلېدو یو تایید تر لاسه کړ، له دې سره سم تاسې ته ستاسې د دوسيې شمېره هم لېړل کیږي. دا شمېره ( BMI-Nummer) او يا (BAMF-Nummer) نوميږي. دا شمېره بيا د وتلو پر مهال په نورو پروسو کې په کاريږي. د يادونې وړ ده چې ستاسې د کورنۍ هغه غړي چې له تاسې سره يې د منل کېدو تاييد ترلاسه کړی وي، ستاسې په شان د دوسيې شمېره لري.

مهم: دا شمېره هیڅکله هم بل کس ته مه ورکوئ. یواځې هغه وخت کله چې غواړئ د جرمني اړوندو ادارو او سازمانو او یا  هغه ادارو سره چې  د جرمني اړوندو ادارو  ته کار کوي، اړبکه ونیسئ  دا شمېره د خپلې پېژندګلوۍ لپاره وکاروئ.

زه لا هم د قبلېدو تاييد (Aufnahmezusage) نه لرم!

هغه کسان چې پخوا يې د جرمني د داخله وزارت، دفاع وزارت، پرمختيايي وزارت، GIZ يا دې ته ورته نورو جرمن ادارو سره کار کړی وي، بايد خپل پخواني دفتر ته د ګواښ د راپور (Gefährdungsanzeige) په نوم يو راپور وړاندې کړي. په دې راپور کې بايد څرګنده کړئ چې ژوند ته مو ګواښ دی او غواړئ چې له خپلې کورنۍ سره يوځای جرمني ته راشئ.

پاملرنه: تاسې کولای شئ له ځان سره د کورنۍ نږدې غړي (ښځه/مېړه او له اتلس کالونو د ټيټ عمر لرونکي مجرد بچيان؛ په ځانګړو حالتونو کې له ۱۸کالونو د لوړ عمر لرونکي مجرد بچيان هم) راوستلای شئ.

که د پخواني رييس يا دفتر برېښناليک نه لرئ، لاندې پتې وکاروئ:

-       د بهرنيو چارو وزارت: okv@kabu.auswaertiges-amt.de

-       GIZ: okv-afghanistan@giz.de

-       د پرمختيايي چارو اداره: okv@bmz.bund.de

-       د جرمني دفاع وزارت / پوځ: RSMESEinsWVStOKV@bundeswehr.org

د ګواښ په راپور (Gefährdungsanzeige) کې بايد لاندې مالومات هم ځای پر ځای کړئ:

1.     خپل او د کورنۍ د غړو نومونه؛

2.     د زېږېدنې نېټې؛

3.     د پاسپورت يا تذکرې نمبرونه؛

4.     تابعيت؛

5.     د اړيکې شمېره او برېښناليک.

همدا شان دا هم بايد په ګوته کړئ چې کله او چېرته مو کار کړی او اوس خپله او د کورنۍ غړي مو له کوم ګواښ سره مخ دي. که د بېلګې په توګه که تهديد شوي ياست، په اړه يې مالومات او ثبوتونه له اړوند برېښناليک سره مل کړئ.

ستاسې غوښتنه به وارزول شي او که د منلو معيارونه پوره کړئ، مثبت ځواب به درکړل شي. که ځواب ترلاسه نه کړئ، لاندې کارونه کولای شئ:

-       کولای شئ د افغانستان د محلي همکارانو شبکې فورمه (Formular des Patenschaftsnetzwerk Afghanische Ortskräfte) ډکه کړئ. دا شبکه هڅه کوي چې له اړونده کسانو سره مرسته وکړي. د يادونې وړ ده چې دا يوه نادولتي شبکه ده او دا پرېکړه نه شي کولای چې څوک بايد جرمني ته راشي. د شبکې همکاران رضاکارانه او وړيا کار کوي.

-       د کابل لوفټبروکه فورمه هم ډکولای شئ. که پخوا مو ډکه کړې وي، اوس يې يو ځل بيا ډکه کړئ، ځکه دا تازه فورمه ده او بيا ارزول کيږي. دوی به ستاسې لپاره اړوند فرصتونه وګوري او که شونتيا وي، خبر درکوي. البته دې ځواب ته ښايي ډېر وخت انتظار شئ. د دې ضمانت نشته چې د دې فورمونو ډکوونکي به د منلو تاييدليک ترلاسه کړي. کابل هوايي پل يو نادولتي بنسټ دی او د حکومت برخه نه دی.

-       کولای شئ د کډوالو او پناغوښتونکو متخصص وکيل وګمارئ. البته دا کار ښايي لګښت ولري. د دې وکيلانو لړ پر (rechtsberaterkonferenz.de) وېبسایټ موندلای شئ.

-       د پاکستان سره پر کرښه د وضعيت په اړه مالومات د (Kabul Luftbrücke) پر وېبسایټ موندلای شئ. په ياد مو وي چې اوس د تذکرې په وسيله پاکستان ته تګ ناشونی دی. د دې کار لپاره بايد معتبر پاسپورت او ويزه ولرئ. له اتو کالونو د ټيټو کسانو لپاره برېښنايي تذکره هم بسنه کوي. په استثنايي حالتونو کې ښايي له ځينو کسانو سره پر کرښه د تېرېدلو لپاره مرسته وشي.

-       که قبول شوي څوک ګاونډيو هېوادونو ته وتلي وي، سملاسي دې د جرمني له سفارتونو سره اړيکه ونيسي. دوی به بيا جرمني ته ستاسې په استولو کې مرسته وکړي. د جرمني د سفارتونو پتې او د اړيکو شمېرې د بهرنيو چارو وزارت پر وېبسایټ (auswaertiges-amt.de) موندلای شئ. که په سفارت کې د وخت نيولو ستونزه لرئ، کولای شئ له GIZ سره په (AFG-GC-staff-support@giz.de) برېښناليک اړيکه ونيسئ.

زه د رسېدو پر مهال د ويزې (visa upon arrival) تاييدي لرم، له سفارت څخه څه ډول ويزه ترلاسه کولای شو؟

ځينو کسانو د (visa upon arrival) له لارې د درسېدو ويزې (datacollection-afghanistan@giz.de) تاييد ترلاسه کړی دی خو په ګاونډيو هېوادونو کې د جرمني د سفارتونو له لوري ويزه نه ورکول کيږي. تر اوسه دا کسان د تر ګواښ لاندې کسانو يا محلي همکارانو په لړ کې نشته او دا هم مالومه نه ده چې جرمني ته به راوستل شي او که نه.

دا کسان لاندې کارونه کولای شي:

-       کولای شئ د افغانستان د محلي همکارانو شبکې فورمه (Formular des Patenschaftsnetzwerk Afghanische Ortskräfte) ډکه کړئ. دا شبکه هڅه کوي چې له اړونده کسانو سره مرسته وکړي. د يادونې وړ ده چې دا يوه نادولتي شبکه ده او دا پرېکړه نه شي کولای چې څوک بايد جرمني ته راشي. د شبکې همکاران رضاکارانه او وړيا کار کوي.

-       د کابل لوفټبروکه فورمه هم ډکولای شئ. که پخوا مو ډکه کړې وي، اوس يې يو ځل بيا ډکه کړئ، ځکه دا تازه فورمه ده او بيا ارزول کيږي. دوی به ستاسې لپاره اړوند فرصتونه وګوري او که شونتيا وي، خبر درکوي. البته دې ځواب ته ښايي ډېر وخت انتظار شئ. د دې ضمانت نشته چې د دې فورمونو ډکوونکي به د منلو تاييدليک ترلاسه کړي. کابل هوايي پل يو نادولتي بنسټ دی او د حکومت برخه نه دی.

-       کولای شئ د کډوالو او پناغوښتونکو متخصص وکيل وګمارئ. البته دا کار ښايي لګښت ولري. د دې وکيلانو لړ پر (rechtsberaterkonferenz.de) وېبسایټ موندلای شئ.

ما له ۲۰۱۳ کال وړاندې له يوې جرمني ادارې سره کار کړی دی، کولای شم ځان ثبت کړم؟

زموږ د مالوماتو له مخې د هغو کسانو ايستل لومړيتوب لري چې د ۲۰۱۳ کال له پيل وروسته يې له جرمني ادارو سره کار کړی وي. همدا شان د جرمني د سياسي او پراختيايي بنسټونو پخواني کارکوونکي هم ايستل کيږي. اوس د دې کسانو لپاره د ۲۰۱۳ کال پيل د حد په توګه ټاکل شوی خو که له هغه وړاندې مو هم کار وکړی وي، کولای شئ خپلې غوښتنې ثبت کړئ. دا چې د ايستلو څومره چانس شته او څوک به وايستل شي، لا هم مالومه نه ده.

د ګواښ راپور (Gefährdungsanzeige) مې وړاندې کړ‎ی او اوس د (info@threatno.org) برېښنالیک له لارې له ما غوښتل شوي، چې خپل مالومات بشپړ کړم!

 هغو پخوانيو محلي همکارانو چې د ګواښ راپور (Gefährdungsanzeige) وړاندې کړی دی د (info@threatno.org) څخه یو ځواب تر لاسه کوي. په دې برېښنالیک له تاسې غوښتل کیږي ترڅو خپل مالومات بشپړ کړئ. د مالوماتو بشپړول اړین دي، څو د بهرنیو چارو وزارت وکولای شي دا ثابته کړي چې تاسې د منل کیدو وړ ياست.

که ستاسې غوښتنه مثبته وارزول شوه او تاسې د منل کیدو تایید (Aufnahmezusage) تر لاسه کړ، د  نورو مراحلو لپاره یو بل برېښنالیک هم ترلاسه کړئ او يا به زنګ درته ووهل شي. په خواشينۍ چې دا پروسه ښايي ډېر وخت ونيسي. 

يادونه: اوس مهال له هغو کسانو سره چې د منلو تاييدليک ترلاسه کوي، د بېلابېلو هېوادونو له لارې اړيکه نيول کيږي. اړيکه نيوونکي په پښتو او دري ژبو خبرې کوي. که غواړئ ثابته کړئ چې اړوند کس رښتيا هم د جرمني د بهرنيو چارو وزرات استازيتوب کوي او که نه، دوی ته خپل برېښناليک ورکړئ. دوی به بيا د (info@vaoffice.org) له لارې تاسې ته ځواب او يا نور مالومات درکړي.

ما د جرمني بنسټونو له يوه اړونده شرکت سره کار کړی دی، څه کولای شم؟

که له جرمني بنسټونو سره د مستقيم کار پر ځای مو له اړونده فرعي شرکتونو سره کار کړی وي، جرمني ته د راتګ چانس مو ډېر کم دی. زموږ د مالوماتو له مخې د دا ډول کسانو له لوري جرمني ته د راتګ غوښتنه ښايي يوازې په انفرادي او ځانګړو کېسونو کې ومنل شي. که غواړئ له دې چانس څخه ګټه واخلئ، له خپل پخواني کار درکوونکي سره اړيکه ونيسئ.

که د پخواني رييس يا دفتر برېښناليک نه لرئ، لاندې پتې وکاروئ:

-       د بهرنيو چارو وزارت: okv@kabu.auswaertiges-amt.de

-       GIZ: okv-afghanistan@giz.de

-       د پرمختيايي چارو اداره: okv@bmz.bund.de

-       د جرمني دفاع وزارت / پوځ: RSMESEinsWVStOKV@bundeswehr.org

همدا شان کولای شئ د افغانستان د محلي همکارانو شبکې فورمه (Formular des Patenschaftsnetzwerk Afghanische Ortskräfte) هم ډکه کړئ. دا شبکه هڅه کوي چې له اړونده کسانو سره مرسته وکړي. د يادونې وړ ده چې دا يوه نادولتي شبکه ده او دا پرېکړه نه شي کولای چې څوک بايد جرمني ته راشي. د شبکې همکاران رضاکارانه او وړيا کار کوي.

د سفر لپاره له کوم ځايه مرسته ترلاسه کولای شم؟

اوس مهال يوازې له هغو کسانو سره مرسته کيږي چې د منلو تاييدليک او يا ويزه ولري. که تاسې هم د منلو تاييد لرئ او د وتلو لپاره مرسته غواړئ، کولای شئ د کابل هوايي پل (Kabul Luftbrücke) په نوم له مرستندوی بنسټ سره اړيکه ونيسئ. که تر اوسه هم د منلو تاييدليک نه لرئ، بيا هم له دې ادارې سره اړيکه نيولای شئ او د دوی اړوند فورمه ډکولای شئ. که پخوا مو ډکه کړې وي، اوس يې يو ځل بيا ډکه کړئ، ځکه دا تازه فورمه ده او بيا ارزول کيږي. دوی به ستاسې لپاره اړوند فرصتونه وګوري او که شونتيا وي، خبر درکوي. البته دې ځواب ته ښايي ډېر وخت انتظار شئ.

مهم: د دې ضمانت نشته چې د دې فورمونو ډکوونکي به د منلو تاييدليک ترلاسه کړي. د کابل هوايي پل يو نادولتي بنسټ دی او د حکومت برخه نه دی. د دې بنسټ کارکوونکي نه شي کولای ستاسې لپاره د منلو تاييدليک صادر کړي.

په استثنايي حالتونو کې ښايي GIZ هم له تاسې سره مرسته وکړي. شرط دا دی چې د منلو تاييدليک ولرئ خو پاسپورت ونه لرئ او يا يې تمديد نه شئ کړای. له GIZ سره په (AFG-GC-staff-support@giz.de) برېښناليک اړيکه نيولای شئ.

د ناټو يا اروپايي ټولنې پخواني همکاران څه کولای شي؟

که له اروپايي‌ ټولنې، ناټو يا بل نړيوال بنسټ سره مو کار کړی وي، بايد په خپله له هماغه بنسټ سره اړيکه ونيسئ او د مرستې غوښتنه ورڅخه وکړئ. له ناټو سره د (mbx.afglch@hq.nato.int) برېښناليک له لارې اړيکه نيولای شئ.

که په بل هېواد کې وم، له کومه ځايه مرسته ترلاسه کولای شم؟

د ملګرو ملتونو د کډوالو اداره (UNHCR) هڅه کوي څو په ګاونډيو هېوادونو کې له کډوالو افغانانو سره مرسته وکړي. که مرستې ته اړتيا لرئ، کولای شئ په هماغه هېواد مې له دې ادارې سره اړيکه (help.unhcr.org) ونيسئ. د يادونې وړ ده چې ښايي د دوی ځواب ډېر وخت ونيسي.

په افغانستان کې له کومه ځايه مرسته ترلاسه کولای شم؟

د (بپرسېد) وېبسایټ پر (Service Map) په افغانستان کې اړينه مرسته ترلاسه کولای شئ. دا وېبسایټ په پښتو، دري او انګليسي ژبو کارولای شئ. هلته د مالي مرستې، وړيا خوړو، درملو، زده‌کړو، د مرکزونو يا امن خونو په اړه مالومات ترلاسه کولای شئ.

Partner-Logos PS

يوه پروژه د:
تمويل: