له افغانستان څخه د خلکو راايستلو په اړه مالومات

Afghanistan Info
اوسمهالیز 16.11.2022

په افغانستان کې وضعيت کړکېچن او حالات پېچلي دي. موږ هڅه کوو چې دلته، جرمني ته د راتګ په اړه ټول اړين مالومات وړاندې کړو. موږ همدا شان هڅه کوو چې نورو هېوادونو ته د تګ د اسانتياوو په اړه هم لومړني مالومات تر تاسې پورې درورسوو. که نوي‌ مالومات ترلاسه کړو، همدلته يې د هنډبوک جرمني پر وېبسایټ خپروو.

Ausführliche Informationen:

په خواشينۍ چې ډېر کسان غواړي چې له افغانستان څخه ووځي. اوس مهال جرمني حکومت داسې کوم پلان نه لري‌ چې له مخې يې نور کډوال ومني. له همدې کبله هغه کسان ته چې له جرمني بنسټونو سره يې همکاري‌ نه وي کړې او يا هم تر ګواښ لاندې کسانو په توګه نه وي ثبت شوي، جرمني ته د راتګ ډېر چانس نه لري.

موږ خپل ټول توان کاروو څو ستاسې پوښتنو ته ځوابونه ومومو او هره ورځ په دې اړه له اړونده ادارو سره اړيکه نيسو. په خواشينۍ چې د حکومتي ادارو له لوري د ځينو موضوعاتو په اړه کافي ‌مالومات نه ورکول کيږي.

که نوي‌ مالومات ترلاسه کړو، همدلته يې د هنډبوک جرمني پر وېبسایټ خپروو. د يادونې وړ ده چې ښايي حالات هره شېبه بدل شي او دا پاڼه له نويو مالوماتو سره تازه شي.

پاملرنه:

 په خواشينۍ چې هنډبوک جرمني، د خلکو په راوستلو کې کوم ځانګړی اغېز نه لري. هيله ده موږ ته خپل مالومات او سندونه مه رالېږئ او د دې پر ځای يې اړونده برېښناليکونو ته ولېږئ، ځکه يوازې دوی مو مرسته کولای شي. پام مو وي چې نارسمي پتو او خلکو ته خپل مالومات مه ورکوئ.

په څه بايد وپوهېږم؟

زه د جرمنيانو محلي همکار نه يم او تر ګواښ لاندې کسانو په ډله کې هم نه راځم، بيا هم جرمني ته د تګ چانس لرم؟

د اوس لپاره جرمني ته خلکو د راوستلو نور ځانګړي پروګرامونه نشته او د جرمني له پخوانيو همکارانو او ځانګړو تر ګواښ لاندې کسانو پرته نورو کسانو ته د راتګ چانس ډېر کم دی. بيا هم کولای شئ د ملګرو ملتونو له (UNHCR) څانګې سره اړيکه ونيسئ. زموږ د مالوماتو له مخې (UNHCR) اوس جرمني ته د راوستلو په اړه مرسته نه شي کولای خو بيا هم ښه ده هلته ځانونه ثبت کړئ او که حالات بدل شي، ښايي دوی مرسته وکړي. په افغانستان کې د دې ادارې برېښناليک پته (afgkaprt@unhcr.org) ده. له دوی سره د (۰۷۰۴۹۹۶۱۶۸) او (۰۷۰۹۰۶۹۱۷۴۶) شمېرو له لارې ټليفوني اړيکه هم نيولای شئ.

په جرمني کې د لوړو زده‌کړو، حرفوي زده‌کړو يا کار د ويزو غوښتنه هم کولای شئ خو د دې ډول ويزو ترلاسه کولو شرطونه پوره کول يو څه سخت دي. په دې اړه بشپړ مالومات زموږ په بل څپرکي (جرمني ته مهاجرت) کې لوستلای شئ.

غواړم د جرمني د شېنګن يا ملي ويزه ترلاسه کړم، څه وکړم؟

د ليدلو يا شېنګن د لنډمهاله ويزو تر څنګ، په جرمني کې د لوړو زده‌کړو، حرفوي زده‌کړو يا کار د ويزو غوښتنه هم کولای شئ خو د دې ډول ويزو ترلاسه کولو شرطونه پوره کول يو څه سخت دي. د دې کار لپاره کولای شئ په ډهلي او اسلام‌اباد کې د جرمني له سفارتونو سره وخت ونيسئ. په دې اړه بشپړ مالومات زموږ په بل څپرکي (جرمني ته مهاجرت) کې لوستلای شئ.

کولای شم يو سکالرشيپ ترلاسه کړم؟

په جرمني کې د زده‌کړو ځينې پروګرامونه او بورسونه شته چې ځينې کسان يې ترلاسه کولای شي. که غواړئ تاسې هم يو سکالرشيپ ترلاسه کړئ، له اړوند بنسټ سره اړيکه ونيسئ. د ځينو سکالرشيپونو تړوني لاندې موندلای شئ:

د ژورنالستانو لپاره:

د بشر حقونو د فعالانو لپاره:

د  محصلانو لپاره:

د لوړې کچې زده‌کړو لپاره:

د څېړونکو لپاره:

د تر ګواښ لاندې اکاډميکو کسانو لپاره:

  •  
په جرمني کې د کډوالو منلو کوم پروګرام شته؟

ځينې ايالتونه په پلان کې لري‌ چې د ايالتي منلو پرواګرمونه (Landesaufnahmeprogramme) پلي کړي او له مخې يې له افغانستان څخه ځينې تر ګواښ لاندې کسان ومني. د يادونې وړ ده چې دا ډول ايالتي پروګرامونه بايد د داخله چارو وزارت له لوري تصويب شي. په رسنيو کې د ۲۰زره کسانو منلو په اړه مالومات خپاره شوي‌ دي خو لا يې هم په اړه جزئيات نشته.

که دا پروګرامونه ومنل شی، بيا ښايي د ځانګړو تر ګواښ لاندې کسانو راوستل شوني شي.  که څوک غواړي د خپلې کورنۍ غړي د دې پروګرامونو له لارې راوغواړي، بايد ټول لګښتونه يې خپله ورکړي او خپله هم په اړوند ايالت کې واوسي. ځکه نو دا کس بايد کافي عايد ولري، څو وکړای شي د راغوښتل کېدونکو کسانو د ژوند، خوړو او درملنې لګښتونه ورکړي. په دې اړه تر اوسه نور مالومات نشته.

نورو هېوادونو ته د تګ چانسونه شته؟

 پر (Leaving Afghanistan) او (Immigration Relief for Afghans) د ګڼو هېوادونو د مهاجرت د پروګرامونو په اړه مالومات او برېښناليک پتې موندلای شئ. پر (http://exitsos.com/) او (kabul.int.igel-muc.de) وېبسایټونو هم په دې اړه مالومات موندلای شئ. د يادونې وړ ده چې دا وېبسایټونه له هنډبوک جرمني سره اړه نه لري او د مالومات د کره‌والي بشپړ تضمين يې نشته.

که په بل هېواد کې وم، له کومه ځايه مرسته ترلاسه کولای شم؟

د ملګرو ملتونو د کډوالو اداره (UNHCR) هڅه کوي څو په ګاونډيو هېوادونو کې له کډوالو افغانانو سره مرسته وکړي. که مرستې ته اړتيا لرئ، کولای شئ په هماغه هېواد مې له دې ادارې سره اړيکه (help.unhcr.org) ونيسئ. د يادونې وړ ده چې ښايي د دوی ځواب ډېر وخت ونيسي.

کومه ځايه مرسته او مشوره ترلاسه کولای شم؟

د افغانستان لپاره د مهاجرتي سرچينو مرکز يا (MRC) افغانانو ته د سفر او مهاجرت د فرصتونو په اړه مالومات او مشورې ورکوي. کولای شئ له دې ادارې سره د وټس‌اپ (۰۰۹۳۷۹۹۵۹۹۸۹۸)، فېسبوک، انستاګرام (mrcafghanistan)، يا برېښناليک (nfo@mrcafghanistan.af) له لارې اړيکه ونيسئ. د دې ادارې کارکوونکي په دري او انګليسي ژبو ستاسې پوښتنو ته ځوابونه وايي.

Partner-Logos PS

يوه پروژه د:
تمويل: