جرمني ته د کورنۍ د غړو راوستل

آيا کولای شم د کورنۍ غړي جرمني ته راولم؟

د کورنۍ د غړو په راوستلو کې ستاسې د اوسېدو د اجازې ډول مهم رول لري. تر ټولو مهمه پوښتنه دا ده چې ستاسې د‌ پناغوښتنې حق (يا د مهاجرت حالت) په رسميت پېژندل شوی او که نه. د پناغوښتنې او په جرمني کې د استوګنې د قوانينو سره سم يوازې هغه کسان د خپلې کورنۍ غړي راوستلای شي چې د پناغوښتنه يې منل شوي وي. البته دا دوه قوانين وخت پر وخت بدليږي. د ۲۰۱۷ کال د سپتمبر په ۲۴مه له ټاکنو وروسته د دې قوانينو په اړه ډېر بحثونه شوي. غوره ده چې په دې اړه تل ځان له نويو قانوني بدلونونو خبر کړئ.

دلته موږ هغو کسانو ته مالومات ورکوو چې جرمني ته يوازې راغلي او د مهاجرت حق يا د پنا غوښتنه يې منل شوې ده. هغه کسان چې کډوال نه دي خو په جرمني کې د اوسېدو حق لري؛ کولای شي د خپلو کورنيو د غړو د راوستلو په اړه د مهاجرت او کډوالو د فدرالي ادارې پر وېسبایټ د جرمني ته مهاجرت تر سرليک لاندې د کورنيو يا د ژوند له ملګرو او بچيانو سره د يوځای کېدلو څپرکي ولولي.

د اصولو له مخې هغه کسان چې د پناغوښتنې پروسه يې روانه وي او يا ډولډونګ ولري؛ نه شي کولای د خپلې کورنۍ غړي جرمني ته راولي.

هغه کسان چې د پنا د غوښتنې له منلو يا د خونديتوب حق له ترلاسه کولو وروسته د درې مياشتو په د ننه کې جرمني ته د خپلې کورنۍ د غړو د راوستلو غوښتنه وکړي؛ د لږو شرايطو پوره کولو ته اړتيا لري. دې شرايطو ته ډېر وخت د کورنۍ د غړو امتيازي راوستل (priviligiertem Familiennachzug) ویل کيږي. د دې مانا دا ده چې د دې کسانو لپاره عايد او د اوسېدلو لپاره د کور اندازه په پام کې نه نيول کيږي.

 

د منل شوو مهاجرو لپاره د کورنۍ د غړو راوستنه

آيا زه کولای شم جرمني ته د خپلې کورنۍ د غړو د راوستلو غوښتنه وکړم؟

د کورنۍ کوم غړي جرمني ته راوستلای شم؟

د کورنۍ د غړو د راوستلو لپاره شرايط څه دي؟

د کورنۍ د غړو د راوستلو په بنديز کې استثنا هم شته؟

کورنۍ د غړو د راوستلو معمولي پروسه څه ډول ترسره کيږي؟

په جرمني کې د کډوالو نړۍ ته راغلي ماشومان

د کورنۍ د غړو د يوځای کېدو په اړه د قانون حکم څه دی؟

که (Ausländerbehörde) زماد کورنۍ د غړو د راوستلو غوښتنه رد کړي؛ څه وکړم؟

د کورنۍ د غړو په اړه له کومه ځايه مرسته ترلاسه کولای شم؟

که چا د خپلې کورنۍ غړي ورک کړي وي؛ بايد څه وکړي؟

مهم

که د کورنۍ غړي مو جرمني ته راشي؛ بايد هغوی د اوسېدنکو د ثبت دفتر (Einwohnermeldeamt) او د بهرنيانو د تنظيم ادارې (Ausländerbehörde) ته د نوم ليکنې لپاره بوزئ.