کډوال او جرمني ته د کورنۍ د غړو راوستل

کوم کډوال کولای شي د خپلې کورنۍ غړي جرمني ته راولي؟

دلته موږ د {videoservice} د منځپانګې لرونکي يو. د نورو مالوماتو لپاره {socialhintlink_end}(دلته){socialhintlink_begin} کلېک وکړئ.

جرمني ته د کورنۍ د غړو راوستلو لپاره ځينې مقررات پلي کيږي چې بايد په پام کې ونيول شي. له دې ډلې د کورنۍ د غړو په راوستلو کې ستاسې د اوسېدو د اجازې ډول مهم رول لري. که د پناغوښتنې پروسه مو جريان لري يا ډولډونګ ولرئ، جرمني ته د خپلې کورنۍ غړي نه شئ راوستلای. د پناغوښتنې او په جرمني کې د استوګنې د قوانينو سره سم يوازې هغه کسان د خپلې کورنۍ غړي راوستلای شي چې د پناغوښتنه يې منل شوي وي. هغه کسان چې د فرعي خونديتوب حق لري؛ له ځانګړو شرايطو لاندې کولای شي د خپلې کورنۍ غړي راولي.

دلته موږ هغو کسانو ته مالومات ورکوو چې جرمني ته د کډوال په توګه راغلي ‌دي. هغه کسان چې کډوال نه دي او يا يې دلته د کار يا زده‌کړو له لارې ويزه ترلاسه کړې وي او په جرمني کې د استوګنې اجازه لري، کولای شي د خپلو کورنيو د غړو د راوستلو په اړه د کورنيو يا د ژوند له ملګرو او بچيانو سره د يوځای کېدلو بل څپرکی ولولي.

په څه بايد وپوهېږم؟

آيا زه کولای شم جرمني ته د خپلې کورنۍ د غړو د راوستلو غوښتنه وکړم؟

د کورنۍ کوم غړي جرمني ته راوستلای شم؟

د کورنۍ د غړو د راوستلو لپاره شرايط څه دي؟

چېرته او څنګه بايد د کورنۍ د غړو راوستلو غوښتنه وکړم؟

زما د کورنۍ غړي بايد کوم سندونه د جرمني سفارت ته وروړي؟

که (Ausländerbehörde) زماد کورنۍ د غړو د راوستلو غوښتنه رد کړي؛ څه وکړم؟

جرمني ته د کورنۍ د غړو له راتګ وروسته څه کيږي؟

د کورنۍ د غړو په اړه له کومه ځايه مرسته ترلاسه کولای شم؟

که چا د خپلې کورنۍ غړي ورک کړي وي؛ بايد څه وکړي؟

نور کوم ګامونه بايد واخستل شي؟

مهم

که ستاسې د پناغوښتنې پروسه لا روانه وي او د کورنۍ غړي مو په همدې وخت کې د اروپايي ټولنې په بل هېواد او يا ناروې، ایسلنډ، سويس يا لخشتن‌شتاين کې وي، تاسې په جرمني يا هماغه بل هېواد کې د کورنۍ له غړو سره د یوځای کېدلو حق لرئ. د کورنۍ په دې غړو کې مېړه، ښځه او کم‌عمره ماشومان راځي. البته د دې کار اړوند پروسه ډېره پېچلې ده. که غواړئ دا کار وکړئ، له يوې مشورتي ادارې سره اړيکه ونيسئ.