په جرمني کې د دايمي استوګنې اجازه

کولای شم په جرمني کې د دايمي استوګنې اجازه ترلاسه کړم؟

د دايمي استوګنې اجازه (Niederlassungserlaubnis) يا (unbefristete Aufenthaltserlaubnis) په جرمني کې د نامحدودې مودې لپاره د ژوند کولو اجازه ده. د استوګنې د اجازې د نورو ډولونو پر خلاف، دا اجازه د تل لپاره معتبره ده او نوي کولو ته اړتيا نه لري. د دې اجازې په وسيله کولای شئ په جرمني کې له محدوديت پرته کار وکړئ.

د دايمي استوګنې د اجازې ترلاسه کولو لپاره بايد لاندې شرطونه پوره کړئ:

-        له لږ تر لږه ۵ کالونو راهیسې په جرمني کې د ژوند کولو اجازه لرئ.

-        د خپل ځان او کورنۍ د ژوند لګښتونه خپله برابرولای شئ. په بله وينا، له جاب‌سنټر يا سوسيال څخه مرسته نه ترلاسه کوئ.

-        له دريو کالوو وروسته د جرمني ژبې د C1 سند درلودل؛ که له پينځو کالونو وروسته د اوسېدو د مودې د تمديد غوښتنه کوئ؛ A2 سند بسنه کوي.

-        د لږ تر لږه ۶۰ مياشتو لپاره مو د تقاعد د بيمې ونډه ورکړې وي. د دې ونډې اندازه مهمه نه ده. د تقاعد د بيمې په اړه بشپړ مالومات زموږ په بل څپرکي (په جرمني کې د تقاعد بيمه) کې ولولئ.

-        د ځان او کورنۍ د غړو لپاره د اوسېدو د کافي ځای درلودل بل شرط دی. د کور د مساحت اندازه هم په هر ايالت کې توپير کوي. د ډېرو مالوماتو لپاره د خپلې سيمې اوسلنډربېهورده ادارې يا يوه مشورتي مرکز ته ورشئ.

-        د کار اجازه لرئ.

-        په برياليتوب د بلدتيا (Orientierungskurs) کورس بشپړول هم له دې شرطونو يو دی. په دې اړه نور مالومات زموږ په بل څپرکي (انټګراڅيون کورسونه) کې لوستلای شئ.

-        بايد کومه جرمي سابقه ونه لرئ. د وړو جرمونو لپاره د ۹۰ ورځو د عايد په اندازه جريمه او تر درېيو مياشتو ځنډول شوې جزاوې ستاسې حالت نه اغېزمنوي.

البته د ځينو کسانو ل‍پاره ښايي د دايمي استوګنې اجازې ترلاسه کول اسانه وي.

د چا لپاره د دايمي استوګنې اجازې ترلاسه کول اسانه دي؟

کډوال

متخصص او ماهر کارکوونکي او څېړونکي

په جرمني کې له پوهنتون يا حرفوي زده‌کړو فارغېدونکي

ازاد سوداګر او کاروباريان

دولتي کارکوونکي

د اروپايي‌ ټولنې د شنه کارت درلوودونکي

د جرمني تابعيت لرونکي د کورنۍ غړي

د دايمي استوګنې د اجازې درلودونکي د ژوند ملګری/ملګرې

د بهرنيو کسانو ماشومان

نور په څه بايد وپوهېږم؟

د استوګنې د ايمي اجازې ترلاسه کولو لپاره چېرته غوښتنه وکړم؟

آيا داستوګنې دايمي اجازې د له لاسه ورکولو چانس شته؟

چېرته مرسته او مشوره ترلاسه کولای شم؟

کولای شم د دايمي استوګنې له اجازې سره د اروپايي ټولنې په نورو هېوادونو کې کار او ژوند وکړم؟

مهم

ماشومان کولای شي له ۱۶ کلنۍ وروسته د دايمي استوګنې اجازه ترلاسه کړي. غوښتنليک بايد د مور، پلار او يا کوم سرپرست له لوري وړاندې کړل شي.