غوره خبر!

په جرمني کې د ژوند لپاره له الف څخه تر یا پورې ملاتړ.

 موږ ستاسې د ملاتړ لپاره په نهو ژبو مالومات او مشوره درکوو! تر اوسه پورې زموږ خدمتونه په دوه جلا انټرنیټي پاڼو (handbookgermany.de) او (together-in-germany.de) موندل کيږي خو ډېر ژر به دا حالت بدل شي. 

زموږ مالوماتي وېبسایټ (هنډبوک جرمني) او ټولنيز فورم (ټوګېدر اېن جرمني) به د handbookgermany.deتر سرلیک لاندې سره یوځای شي.

موږ د مهاجرت، کورنۍ، روغتیا، ژوند، کار او زده‌کړو په شان ډلبندۍ تازه کړې او په ښه توګه سمبال کړې دي. تر ټولو ښه خبره دا ده چې د کور په نوم کته‌ګوري هم ورزياته شوې ده.

که زموږ د مالوماتي وړاندیزونو په اړه لا هم پوښتنې لرئ ، نو زموږ په ټولنيز فورم کې تاسې ته ښه راغلاست وايو. تاسې په دې فورم کې ګډون کړی دی، پوښتنې مو کړي دي او خپلې تجربې مو شريکې کړي دي؟ اندیښنه مه کوئ، ستاسې زاړه پوسټونه اوس تر handbookgermany.de لاندې موندلی شئ. د دې لپاره چې اکونټ مو فعال پاته شي، یوازې خپل پاسوورډ بدل کړئ.

لا مو هم ګډون نه دی کړی؟ ځان ثبت کړئ او برخه واخلئ!

په راتلونکو میاشتو کې به لا ډېر نوي کارونه وشي. موږ په پرله‌پسې  توګه کار کوو څو ستاسې لپاره خپل خدمتونه لا ښه کړو. د مخامخ مشورې لپاره د متن، غږ او/یا ویډیو په بڼه د انلاین مشورې وسیله تر کار لاندې ده. برسېره پر دې، موږ د (سيمه‌ييز لټون)برخه نوې کوو، څو تاسې وکړای شئ په خپل شاوخوا کېمشورتي مرکزونه او ملاتړ لا ژر ومومئ.

موږ ستاسو په لیدو خوشاله يوو!