د جرمني په اړه له الف تر يا ټول مالومات
د جرمني په اړه له الف څخه تر يا پورې ټول مالومات
موږ پوهيږو چې کله يو څوک جرمني د نوي وطن او اوسېدو د ځای په توګه ټاکي، څه حالت به لري. دا ځکه چې موږ له وړاندې دا حالت تجربه کړی دی. موږ ډېرو هغو پوښتنو ته ځوابونه لرو، چې د نوي پيل پر مهال مخې ته راځي: د هنډبوک جرمني : ټوګېدر پروژې په چوکاټ کې پر (handbookgermany.de) وېبسایټ، د جرمني د ژوند په اړه له الف تر يا ډېرو پوښتنو ته د متن، ويډيو او يا پوډکاسټ په بڼو ځوابونه وړاندې کوو. دلته په نهو ژبو د استوګنې قانون، کور موندلو، روغتيا، کار، زدهکړو، وړکتون او نورو ډېرو موضوعاتو په اړه ځوابونه او لارښوونې لرو. د نورو پوښتنو او ځوابونو لپاره د (Together in Germany) ټولنيز پلټفورم ستاسې پر وړاندې دی. پر دې څو ژبنيز فورم کې په ناپېژانده توګه خپلې پوښتنې وړاندې کولای او د مسلکي کسانو له لوري ځوابونه ترلاسه کولای شئ. که غواړئ په خپله سيمه کې مشوره يا مرسته ترلاسه کړئ، زموږ د سيمهييز لټون پر پاڼه د يوه مشورتي يا مرستندوی مرکز لټون وکړئ.
